ନାଗା ନାଚ ବନ୍ଦ କରିବାକୁ ଯାଇ ଆକ୍ରମଣର ଶିକାର ହେଲେ ପୋଲିସ : ଗୋଡାଇ ପିଟିଲେ ଗାଁ ଲୋକ; ବଳଙ୍ଗା ପ୍ରଧାନ ସାହିରେ ଉତ୍ୟକ୍ତ ଗାଁ ଲୋକଙ୍କ ପୋଲିସ ଗାଡ଼ି ଭଙ୍ଗାରୁଜା
କନକ ବ୍ୟୁରୋ : ନାଚ ବନ୍ଦ କରିବାକୁ ଯାଇ ଆକ୍ରମଣର ଶିକାର ହେଲେ ପୋଲିସ । ପୋଲିସକୁ ଗୋଡାଇ ପିଟିଲେ ଗାଁଲୋକ । ପୁରୀ ଜିଲ୍ଲା ବଳଙ୍ଗା ଥାନା ଅଧୀନରେ ଥିବା ବଳଙ୍ଗା ପ୍ରଧାନ ସାହିରେ ଘଟିଛି ଏପରି ଘଟଣା । ଗାଁରେ ପରମ୍ପରା ଅନୁସାରେ ସହ ସହ ବର୍ଷ ପୂର୍ବରୁ ଗାଁରେ ନାଗା ନାଚ ହେଇ ଆସୁଥିଲା । ଚଳିତ ବର୍ଷ କରୋନା କଟକଣା ନମାନି ଗାଁଲୋକ ନାଗା ନାଚ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆଉ ଠିକ୍ ସମୟରେ ପୋଲିସ ଗାଁରେ ପହଂଚି କରୋନା ନିୟମକୁ ମାନିବାକୁ କହିଥିବା ବେଳେ ନାଗା ନାଚ ନକରିବାକୁ କହିିଥିଲେ । ପୋଲିସ ବାବୁଙ୍କ ଏହି କଥାରେ ସ୍ଥାନୀୟ ଯୁବକମାନେ ଉତକ୍ଷିପ୍ତ ହୋଇପଡ଼ିଥିଲେ । ପୋଲିସ ଗାଡି ଉପରକୁ ଆକ୍ରମଣ କରିବା ସହିତ ପୋଲିସଙ୍କୁ ଦୁବ୍ୟବହାର କରିଥିବା ଅଭିଯୋଗ ହୋଇଛି । ଘଟଣା ଉପରେ ପିପିଲି ଏସଡିପିଓ ଓ ପୁରୀ ଏସପି ନଜର ରଖି ଅଧିକ ତଦନ୍ତ ଜାରି ରଖିଛନ୍ତି ।