ମହିଳା ପୋଲିସଙ୍କ ମୁତ୍ୟୁ ପରେ ବିହାରରେ ହୋଇଥିବା ହିଂସାରେ ୧୭୫ ପୋଲିସ ବହିଷ୍କୃତ
ମହିଳା ଟ୍ରେନିଂ ପୋଲିସ କର୍ମଚାରୀଙ୍କ ମୃତ୍ୟୁ ପରେ ବିବାଦ ବଢିବାରେ ଲାଗିଥିଲା
କନକ ବ୍ୟୁରୋ : ବିହାର ରାଜଧାନୀ ପାଟଣାରେ ଜଣେ ମହିଳା ଟ୍ରେନିଂ ପୋଲିସ କର୍ମଚାରୀଙ୍କ ମୃତ୍ୟୁ ପରେ ବିବାଦ ବଢିବାରେ ଲାଗିଥିଲା । ମିଳିଥିବା ସୂଚନା ଅନୁସାରେ, ଗତ ଶୁକ୍ରବାର ଏହି ଘଟଣାରେ ହିଂସା କାଣ୍ଡ ମଧ୍ୟ ହୋଇଥିଲା । ତେବେ ଏହି ଘଟଣାରେ ନ୍ୟୁ ପୋଲିସ ଲାଇନରେ ବ୍ୟାପକ ଭଙ୍ଗାରୁଜା ହୋଇଥିଲା । ଏହି ଘଟଣା ପରେ ୧୬୭ ଟ୍ରେନି ପୋଲିସଙ୍କ ସମେତ ୮ ଜଣ ବରିଷ୍ଠ ପୋଲିସ ଅଧିକାରୀଙ୍କୁ ଚାକିରୀରୁ ବହିଷ୍କାର କରାଯିବା ସହିତ ୨୦ରୁ ଉଦ୍ଧ୍ୱର୍ ପୋଲିସଙ୍କୁ ନିଲମ୍ବନ କରାଯାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେହି ଘଟଣାରେ ଜଣେ ବରିଷ୍ଠ ପୋଲିସ ଅଧିକାରୀଙ୍କୁ ତଦନ୍ତ କରି ରିପୋର୍ଟ ଦେବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି । ଯେଉଁମାନେ ବହିଷ୍କାର ହୋଇଛନ୍ତି ସେମାନଙ୍କ ମଧ୍ୟରୁ ଅନେକ ମହିଳା ଥିବା ମଧ୍ୟ ସୂଚନା ମିଳିଛି । ଏହାସହ କେତେକ ପୋଲିସଙ୍କୁ ଚିହ୍ନଟ କରିବା ସହ ପାଟନା ଜୋନରୁ ସ୍ଥାନାନ୍ତରଣ କରିବା ପାଇଁ ମଧ୍ୟ ଜଣେ ବରିଷ୍ଠ ଅଧିକାରୀ କହିଛନ୍ତି । ଏହି ଘଟଣା ସାମନାକୁ ଆସିବା ପରେ ମୋଟ ୪ ରୁ ଅଧିକ ଏଫଆଇଆର ଋୁଜୁ ହୋଇଥିବା ଜଣାପଡିଛି । ମହିଳା ପୋଲିସ ଅଧିକାରୀଙ୍କୁ ଛୁଟି ନମିଳିବାରୁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା ।