ଗାଡିର ଛାତ ଉପରେ ବାନ୍ଧି ମହିଳାଙ୍କୁ ବୁଲାଇଲା ପୋଲିସ ! ମୋବାଇଲ୍ କ୍ୟାମେରାରେ କଏଦ ହେଲା ପୋଲିସର ଅମାନବୀୟ କାଣ୍ଡ ।
ଜନସାଧାରଣଙ୍କ ସୁରକ୍ଷା ଏବଂ ଆଇନଗତ ସାହାଯ୍ୟ ପାଇଁ ପୋଲିସ ପ୍ରଶାସନ କାର୍ଯ୍ୟ କରିଥାଏ । କିନ୍ତୁ ବେଳେ ବେଳେ ସୁରକ୍ଷା ଦେଉଥିବା ରକ୍ଷକ ହିଁ ହିଂସ୍ରକ ସାଜିବ ତାହା କେହି ସହଜରେ ଗ୍ରହଣ କରିପାରିବେ ନାହିଁ । ଠିକ ଏହି ଭଳି ଏକ ଅମାନବୀୟ ଘଟଣା ଘଟିଛି ପଞ୍ଜାବର ଅମୃତସର ଠାରେ । ପୋଲିସର ଅମାନବୀୟ କାଣ୍ଡ ସାମ୍ନାକୁ ଆସିଛି । ତେବେ ଘଟଣାଟି ଥିଲା କିଛି ଏପରି । ପୋଲିସ ଜଣେ ମହିଳାଙ୍କୁ ଗାଡିର ଛାତ ଉପରେ ବାନ୍ଧି ସ୍ଥାନୀୟ ଅଞ୍ଚଳରେ ବୁଲାଇଥିବା ଜଣାପଡିଛି । ତେବେ ଲୋକମାନେ ଏକାଠି ହେବା ପରେ ପୋଲିସ ମହିଳା ଜଣଙ୍କୁ ରାସ୍ତା ମଝିରେ ଫୋପାଡି ଦେଇ ଚାଲିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଏକ ମାମଲାକୁ ଭିତ୍ତି କରି ପୋଲିସ ଅଧିକାରୀ ଜଣେ ଅଭିଯୁକ୍ତଙ୍କୁ ଗିରଫ କରିବା ପାଇଁ ଘଟଣାସ୍ଥଳରେ ପହଞ୍ଚିଥିଲେ । କିନ୍ତୁ ଅଭିଯୁକ୍ତ ଘରେ ମିଳିନଥିବାରୁ ପୋଲିସ ତାଙ୍କ ବୋହୁଙ୍କୁ ଆଣି ପୋଲିସ ଭ୍ୟାନର ଛାତ ଉପରେ ବାନ୍ଧି ଦେଇଥିଲା । ଏହା ପରେ ପୋଲିସ ସ୍ଥାନୀୟ ଅଞ୍ଚଳରେ ଚକ୍କର କାଟିଥିଲା । ଯେତେବେଳେ ଆଖପାଖର ଲୋକେ ସେଠାରେ ପହଞ୍ଚିଥିଲେ, ସେତେବେଳେ ପୋଲିସ ତାଙ୍କୁ ବିଚ୍ ରାସ୍ତାରେ ଫୋପାଡି ଦେଇ ଚାଲିଯାଇଥିଲା ।
ତେବେ ଏହି ଘଟଣାକୁ ନେଇ ଅମୃତସର ଡିଏସପିଙ୍କ କହିବା କଥା, ଗତ ବର୍ଷ ଏକ ମାମଲା ରୁଜୁ ହୋଇଥିଲା । ଏହି ମାମଲାକୁ ନେଇ କ୍ରାଇମବ୍ରାଞ୍ଚ ଟିମ୍ ସ୍ଥାନୀୟ ଅଞ୍ଚଳକୁ ଯାଇଥିଲେ । ଏବଂ ସେଠାରେ ଘଟିଥିବା ଏହି ଅମାନବୀୟ ଘଟଣା ସମ୍ପର୍କରେ ସ୍ଥାନୀୟ ଲୋକମାନେ ପୋଲିସକୁ ସୂଚନା ଦେଇଥିଲେ । ଏବଂ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଲୋକମାନେ ଘଟଣାର ଭିଡିଓ ମଧ୍ୟ ଡିଏସପିହ୍କୁ ଦେକାଇଥିଲେ । କିଭଳି ଭାବେ କ୍ରାଇମବ୍ରାଞ୍ଚ ମହିଳାଙ୍କୁ ଘରୁ ଆଣି ଗାଡିର ଛାତ ଉପରେ ବାନ୍ଧି ରାସ୍ତାରେ ବୁଲାଉଥିଲା, ତାର ପୁରା ଭିଡିଓକୁ ସ୍ଥାନୀୟ ଲୋକମାନେ ମୋବାଇଲରେ ସୁଟ୍ କରିନେଇଥିଲେ । ତେବେ ଏହି ଘଟଣାର ତଦନ୍ତ ଆରମ୍ଭ ହୋଇଯାଇଥିବା ବେଳେ ଖୁବ ଶୀଘ୍ର ସତ ସମସ୍ତଙ୍କ ସାମ୍ନାକୁ ଆସିବ ବୋଲି ପୋଲିସ କହିଛି ।