ପୁରୀ କାକଟପୁରରେ ନକଲି ଆରଟିପିସିଆର ରିପୋର୍ଟ ରାକେଟ । ଲ୍ୟାବ ମାଲିକଙ୍କୁ ଗିରଫ କଲା ପୋଲିସ, ମୋଟା ଅଙ୍କର ଟଙ୍କା ନେଇ ଦେଉଥିଲା ନକଲି ରିପୋର୍ଟ ।
କନକ ବ୍ୟୁରୋ : ପୁରୀ ଜିଲ୍ଲା କାକାଟପୁର ଅଞ୍ଚଳରେ ନକଲି କରୋନା ଆରଟିପିସିଆର ରିପୋର୍ଟ ରାକେଟ । ଏନେଇ ଅଭିଯୋଗ ହେବା ପରେ କାକଟପୁର ବଜାର ନିକଟରେ ଥିବା ମା ପ୍ୟାଥ ଲ୍ୟାବରେ କାକଟପୁର ଥାନା ପୋଲିସ ଓ ତହସିଲଦାର ଚଢ଼ାଉ କରିଥିଲେ । ଚଢ଼ାଉ ପରେ ପୂରା ଘଟଣା ସାମନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଚଢାଉ ବେଳେ ଜଣାପଡିଛି ଲ୍ୟାବ୍ ମାଲିକ ବେଆଇନ ଭାବେ କରୋନା କିଟରେ ଟେଷ୍ଟ କରି ନେଗେଟିଭ ଆଉ ପଜିଟିଭ ରିପୋର୍ଟ ଦେଇ ଟଙ୍କା ଆଦାୟ କରୁଥିଲେ । ନକଲି ରିପୋର୍ଟ ଦେବା ଅଭିଯୋଗରେ ଲ୍ୟାବର ମାଲିକ ପ୍ରକାଶ କୁମାର ଦାଶଙ୍କୁ ପୋଲିସ ଗିରଫ କରିଛି ଓ ତାଙ୍କର ଜଣେ ସହଯୋଗୀଙ୍କୁ ଅଟକ ରଖିଛି ପୋଲିସ । ପ୍ରକାଶଙ୍କୁ କୋର୍ଟ ଚାଲାଣ କରିଥିବାବେଳେ ତାଙ୍କର କରୋନା ଟେଷ୍ଟ ବେଳେ ପଜିଟିଭ ଆସିବାରୁ ଅଭିଯୁକ୍ତଙ୍କୁ କାକଟପୁର କୋଭିଡ ୱାର୍ଡରେ ଭର୍ତି କରାଯାଇଛି ।