କନକ ବ୍ୟୁରୋ : ପିଆଜ ବୋଝେଇ ମିନିଟ୍ରକରୁ ୩୭୫ କେଜି ଗଞ୍ଜେଇ ଜବତ । ଜବତ ଗଞ୍ଜେଇର ମୂଲ୍ୟ ୧୮ ଲକ୍ଷ. ୫୦ ହଜାର ଟଙ୍କା । ରାୟଗଡା ଜିଲ୍ଲା ବିଷମକଟକ ପୋଲିସକୁ ମିଳିଲା ପୁଣି ଏକ ସଫଳତା । ପେଟ୍ରୋଲିଂ ବେଳେ ଏକ ପିଆଜ ବୋଝେଇ ମିନି ଟ୍ରକରୁ ୩୭୫ କେଜି ଗଞ୍ଜେଇ ଜବତ କରାଯାଇଛି । ଜବତ ଗଞ୍ଜେଇର ମୂଲ୍ୟ ପ୍ରାୟ ୧୮ ଲକ୍ଷ ୫୦ ହଜାର ଟଙ୍କା ହେବ ବୋଲି କୁହାଯାଇଛି ।

Advertisment

ବିଷମକଟକ ପୋଲିସ ପେଟ୍ରୋଲିଂ ବେଳେ ଥୁଆପାଡି ଗାଁ ଛକ ନିକଟ ଜଙ୍ଗଲ ରାସ୍ତା କଡରେ ଏକ ମିନି ଟ୍ରକ ଥିବା ଦେଖି ପୋଲିସ ସନ୍ଦେହ କରି ଦେଖିବା ବେଳେ ସେଥିରେ ୩୬ ବସ୍ତା ପିଆଜ ଥିବା ବେଳେ ଗାଡିରେ କେହି ନଥିଲେ ତେଣୁ ସନ୍ଦେହ କରି ପୋଲିସ ଗାଡି ତନଖି କରିବାରୁ ଗାଡିରେ ଏକ ସ୍ୱତନ୍ତ୍ର ଚାମ୍ବରରୁ ୩୭୫ କେଜି ଗଞ୍ଜେଇ କୁ ଠାବ କରିପାରିଥିଲା ଓ ପରେ ପୋଲିସ ଉକ୍ତ ମିନି ଟ୍ରକ ଟିକୁ ଥାନାକୁ ଆଣି ଅଧିକ ତଦନ୍ତ ଜାରିରଖିଛି ।