ସାମାନ୍ୟ ଦୁର୍ଘଟଣାକୁ ନେଇ ଯୁବକଙ୍କୁ ନିସ୍ତୁକ ମାଡ ପରେ ଅପହରଣ । କଟକରୁ ଅପହୃତ ଯୁବକଙ୍କୁ ଢେଙ୍କାନାଳରୁ ଉଦ୍ଧାର କଲା ପୁଲିସ
କନକ ବ୍ୟୁରୋ : ସାମାନ୍ୟ ଦୁର୍ଘଟଣାକୁ ନେଇ ଯୁବକଙ୍କ ନିସ୍ତୁକ ପିଟିଲେ । ପରେ ଗାଡିରେ ବସାଇ କଟକରୁ ଢେଙ୍କାନାଳ ନେଇଗଲେ । ଖବରପାଇଁ ଘଟଣା ସ୍ଥଳରେ ପହଞ୍ଚି ଅପହୃତ ଯୁବକଙ୍କୁ ଉଦ୍ଧାର କରିଛି ଭାପୁର ପୁଲିସ । ଗତକାଲି କଟକ ସିଡିଏ ଭେଲଭିୟୁ ଛକରେ ଏଭଳି ଘଟଣା ଦେଖିବାକୁ ମିଳିଛି । ଉଦ୍ଧାର ହୋଇଥିବା ଯୁବକ ଜଣଙ୍କ ହେଉଛନ୍ତି ଅନୁଗୁଳୁ ପାଲହଡାର ଦୋଳେଶ୍ୱର ନାୟକ । ଦୋଳେଶ୍ୱର କଟକରେ ରହି କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ବାଇକ ନେଇ ଘରକୁ ଫେରୁଥିବା ବେଳେ ଭେଲଭିୟୁ ଛକରେ ତାଙ୍କ ବାଇକ ସହ ଏକ କାରର ଧକ୍କା ହୋଇଥିଲା । ପରେ କାରରେ ଥିବା ଯୁବକମାନେ ଦୋଳେଶ୍ୱର ମାଡ ମାରିବା ସହ ତାଙ୍କ ମୋବାଇଲ ଛଡାଇ ନେଇଥିଲେ । ତେବେ କୌଶଳକ୍ରମେ ଡୋଳେଶ୍ୱର ଅନ୍ୟ ଏକ ଫୋନରୁ ତାଙ୍କ ସାଙ୍ଗଙ୍କୁ ଲୋକେଶନ ପଠାଇବା ସହ ତାଙ୍କୁ ଅପହରଣ କରାଯାଇଥିବା ନେଇ ସୂଚନା ଦେଇଥିଲେ । ମର୍କତନଗର ଥାନାରେ ଦୋଳେଶ୍ୱରଙ୍କ ସାଙ୍ଗ ଅଭିଯୋଗ କରିବା ପରେ ପୁଲିସ ଏସମ୍ପର୍କରେ ଭାପୁର ଫାଣ୍ଡିକୁ ଅବଗତ କରିଥିଲେ । ଭାପୁର ପୁଲିସ ଉକ୍ତ କାରକୁ ଠାବ କରିବା ସହ ଡୋଳେଶ୍ୱରଙ୍କୁ ଉଦ୍ଧାର କରିଥିଲେ । ଏଥିରେ ସମ୍ପୃକ୍ତ ଦୁଇ ଜଣଙ୍କୁ ପୁଲିସ ଗରିଫ କରିଛି ।