୧୭ ସ୍ତ୍ରୀଙ୍କ ସ୍ୱାମୀ ନକଲି ଡାକ୍ତରଙ୍କୁ ନେଇ ତନାଘନା ଜୋର୍: ୫ ଦିନିଆ ରିମାଣ୍ଡରେ ନେଇ ଠକେଇ ପଛର ଗୁମର ଖୋଜୁଛି ପୁଲିସ
କନକ ବ୍ୟୁରୋ: ମୁହଁ ପୋତି ପୋତି ପୁଲିସ ହେପାଜତକୁ ଯାଉଥିବା ଏହି ନିରୀହ ଚେହେରା ପଛରେ ଏତେ ଯେ କେଳେଙ୍କାରୀ ରହିଛି, ତାର ଖୋଲତାଡ କରିବା ପାଇଁ ଏହି ଠକକୁ ପୁଲିସକୁ ରିମାଣ୍ଡରେ ନେବାକୁ ପଡିଛି । ରିମାଣ୍ଡ ଅବଧି ଭିତରେ ନକିଲ ଡାକ୍ତର ତଥା ଠକମାଷ୍ଟର ରମେଶ୍ୱ ସ୍ୱାଇଁ ଠାରୁ ସ୍ତ୍ରୀଙ୍କ ତାଲିକା ଓ ଠକେଇ କାରବାର ସତ ଓଗାଳିବା ଏବେ ପୁଲିସ ପାଇଁ ମୁଖ୍ୟ ଚ୍ୟାଲେଞ୍ଜ । ରମେଶ କେବଳ ମହିଳାଙ୍କୁ ନିଜ ପ୍ରେମଜାଲରେ ଫସାଇ ଲୁଟ କରୁନଥିଲା ବରଂ ବ୍ୟବସାୟ ଆଳରେ ବର୍ତମାନସୁଦ୍ଧ ୧୧ଜଣଙ୍କୁ ଚୂନା ଲଗାଇଥିବା ଅଭିଯୋଗ ହୋଇଛି । କୁକୁଡା ଦାନା ବ୍ୟବସାୟ, ଫଳ ବ୍ୟବସାୟ, କ୍ଲିନକ ଖୋଲିବା ନାଁରେ ଡାକ୍ତରଙ୍କୁ ଠକେଇ ଏପରିକି ଶ୍ରମିକଙ୍କୁ କାମରେ ଲଗାଇ ଲକ୍ଷ ଲକ୍ଷ ଟଙ୍କା ଚଳୁ ଅଭିଯୋଗର ତଦନ୍ତ କରିବ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
କେବଳ ମାଟ୍ରିକ ପାସ କରିଥିବା ଏହି ଧୁରନ୍ଦର ଠକ ରମେଶ ସ୍ୱାଇଁ କେମିତି ଏତେ ଲୋକଙ୍କୁ ଚୂନା ଲଗାଇଲା । କେଉଁଠାରେ ରଖିଛି ଠକେଇ କରିଥିବା ଟଙ୍କା । ପରିବାରର ଆଉ କେଉଁ ସଦସ୍ୟ ପ୍ରଚ୍ଛଦପଟରେ ରହି ରମେଶଙ୍କୁ କରୁଥିଲେ ସାହାଯ୍ୟ । କୁହାଯାଉଛି, ୧୮ ପତ୍ନୀଙ୍କ ଭିତରୁ ଜଣେ ପତ୍ନୀ ଅଦୃଶ୍ୟ ଭାବରେ ରମେଶଙ୍କୁ ସାହାଯ୍ୟ କରୁଥିଲେ । ଏହାସହିତ ରମେଶ ଜଣେ ଡ୍ରାଇଭର ଓ ସମ୍ପର୍କୀୟ ଅଦୃଶ୍ୟ ମହିଳାଙ୍କ ସହ ମିଶି ଏହି ମହାଠକେଇ କରିଥାଇପାରନ୍ତି ବୋଲି ପୁଲିସକୁ ସୁରାକ୍ ମିଳିଛି ।
ରମେଶଙ୍କୁ ଜେରା କରିବାକୁ କମିଶନରେଟ ପୁଲିସ ଏକ ସ୍ପେଶାଲ ଟିମ ଗଠନ କରିଛି । ଏହି ଟିମ ରମେଶର ଘରଠାରୁ ଆରମ୍ଭ କରି ଆର୍ଥିକ କାରବାରର ଖୋଳତାଡ କରୁଛି । ଏଠାରେ ବଡ ପ୍ରଶ୍ନ ସାମ୍ନାକୁ ଆସୁଛି
-ଗତ ୩୦ ବର୍ଷ ମଧ୍ୟରେ କେଉଁମାନଙ୍କ ସଂସ୍ପର୍ଶରେ ଥିଲା ରମେଶ?
-ଠକେଇ କରିଥିବା ଟଙ୍କା କାହା ମାଧ୍ୟମରେ କେଉଁଠିକୁ ପଠାଉଥିଲା?
-ବର୍ତମାନ ସୁଦ୍ଧା ରମେଶ କେତେଜଣଙ୍କୁ ବିବାହ କରିଥିଲା ?
-ବିଭିନ୍ନ ମହିଳାଙ୍କଠାରୁ କେତେ ଟଙ୍କା ଠକିଛି ରମେଶ ?