କନକ ବ୍ୟୁରୋ : ମାତ୍ରାଧିକ କାର୍ଯ୍ୟାନୁଷ୍ଠାନ ପ୍ରତିବାଦରେ ରାତିଅଧରେ ପୁଲିସ କର୍ମଚାରୀ ଅଟକ । ଗୋପ ଥାନା ରେଡୁଆ ଗାଁରେ  ଏହାକୁ ନେଇ ଉତେଜନା ଦେଖାଦେବା ପରେ ୨ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି ।  ଘଟଣାସ୍ଥଳରେ ପୁଲିସ ପଂହଚି ବୁଝାସୁଝା କରିବା ପରେ ମୁକୁଳିଛନ୍ତି ପୁଲିସ କର୍ମଚାରୀ । ଖବର ଅନୁସାରେ,  ରେଡୁଆ ମହାବୀର ମନ୍ଦିରରେ ଜଣେ ପୂଜକଙ୍କୁ  ସେହି ଗାଁର ଛବିନ୍ଦ୍ର ଭଟ୍ଟ ଗାଳିଗୁଳଜ କରିବା ସହ ଧମକଚମକ ଦେଉଥିଲେ ।  ଗାଳି ନ କରିବା ପାଇଁ ଗାଁ ଲୋକଙ୍କ ତାଗିଦ ସତ୍ୱେ  ଛବିନ୍ଦ୍ର ଏହାକୁ ମାନିନଥିଲେ ।  ଏ ନେଇ ସ୍ଥାନୀୟ ଲୋକେ ଗୋପ ଥାନାରେ ଅଭିଯୋଗ କରିଥିଲେ ।

Advertisment

ଗୁରବାର ବିଳମ୍ବିତ ରାତିରେ ପୁଲିସ ଗାଁରେ ପଂହଚି  ଦୁଇଜଣ ଯୁବକଙ୍କୁ ଗିରଫ କରିବା ଲାଗି ଉଦ୍ୟମ କରିବା ସହ ଅଶ୍ଳୀଳ ବ୍ୟବହାର ପ୍ରଦର୍ଶନ କରିଥିବା ଅଭିଯୋଗ ହୋଇଛି । ଏହାର ପ୍ରତିବାଦରେ  ଗାଁ ଲୋକେ ଦୀର୍ଘ ସମୟ ଧରି  ପୁଲିସକୁ ଅଟକ ରଖିଥିଲେ ।   ସେପଟେ  ପୁଲିସ ସଫେଇ ଦେଇଛି ଏକ ଚୋରି ଘଟଣାରେ  ସଂପୃକ୍ତ ଯୁବକଙ୍କୁ ଗିରଫ କରିବା ଲାଗି  ପୁଲିସ ସେହି ଗାଁକୁ ଯାଇଥିଲା ।