କନକ ବ୍ୟୁରୋ: ଯୁବକ-ଯୁବତୀଙ୍କୁ କଡା ସୁରକ୍ଷା ବଳୟ ଭିତରେ ନେଉଛନ୍ତି, ସିଆଇଏସଏଫ ଯବାନ । ଯୁବତୀ-ଯୁବକଙ୍କୁ ଯେମିତି କୌଣସି ପ୍ରକାରର ଅସୁବିଧା ନୁହୁଏ, ସେଥିପାଇଁ ସ୍ଥାନୀୟ ପୁଲିସ ବି ଉପସ୍ଥିତ ରହିଛି । ପୂର୍ବରୁ ପ୍ରସ୍ତୁତ ଥିବା ଏୟାରପୋର୍ଟ ଥାନା ପୁଲିସ ଉଭୟଙ୍କୁ ଉଦ୍ଧାର କରି ଭୁବନେଶ୍ୱର ବିମାନବନ୍ଦରରୁ ଏୟାରପୋର୍ଟ ଥାନାକୁ ନେଇଥିଲା । ଥାନାର ଏକ ପ୍ରକୋଷ୍ଠରେ ଉଭୟଙ୍କୁ ରଖା ଯାଇଥିବାବେଳେ ଯୁବକ ଏବଂ ଯୁବତୀଙ୍କ ପରିବାର ଲୋକେ ଥାନାରେ ପହଁଚିଥିଲେ । ବେଶ କିଛି ସମୟ ଧରି ଚାଲିଥିଲା ଏହି ହାଇଡ୍ରାମା । ଶୁଣିବାକୁ ମିଳିଥିଲା, ଯୁବକ ଯୁବତୀଙ୍କ ବିବାହକୁ ପରିବାର ଲୋକମାନେ ବିରୋଧ କରିବାରୁ ଉଭୟଙ୍କ ଜୀବନ ପ୍ରତି ବିପଦ ଥିବା ଦର୍ଶାଇ ପୁଲିସ ଏବଂ ଗଣମାଧ୍ୟମକୁ ଖବର ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଯୁବତୀ ଜଣଙ୍କ ଜଣେ ଡାକ୍ତର ହୋଇଥିବାବେଳେ, ସେ ଶିଖ ଯୁବକ ଗଗନ ଦୀପ ସିଂଙ୍କୁ ବିବାହ କରିବାକୁ ଚାହୁଁଥିଲେ । ଏହି ବାହାଘର ପାଇଁ ଯୁବକଙ୍କ ପରିବାର ଲୋକେ ରାଜି ଥିବାବେଳେ ଯୁବତୀଙ୍କ ବାପା କହିଛନ୍ତି ତାଙ୍କ ଝିଅକୁ ଫସାଇ ଦିଆଯାଇଛି । ଗତ ୬ବର୍ଷ ତଳେ ଉକ୍ତ ଯୁବକ ତାଙ୍କ ଝିଅଙ୍କ ଆକାଉଁଂଟରୁ ୨ଲକ୍ଷ ଟଙ୍କା ଚୋରି ନେଇ ଖଣ୍ଡଗିରି ଥାନାରେ ମାମଲା ରୁଜୁ ହୋଇଥିଲା ।
ବେଶ କିଛି ସମୟ ଧରି ଏହାକୁ ନେଇ ବିମାନବନ୍ଦର ନିକଟରେ ହାଇଡ୍ରାମା ଦେଖିବାକୁ ମିଳିଥିଲା । ଉଭୟ ପରିବାରଙ୍କ ମଧ୍ୟରେ ବୁଝାସୁଝା ନହୋଇପାରିବାରୁ, ପୁଲିସକୁ ରିପୋର୍ଟ ଦେଇଥିବା ଯୁବତୀ ନିଜ ଇଛାରେ ଯେଉଁଠିକୁ ଚାହିଁବେ ଯାଇପାରିବେ ବୋଲି ପୁଲିସ ମତ ରଖିଥିଲା ।