ଜଗତସିଂହପୁର ଶିଶୁ ନିଖୋଜ ଓ ମୃତ୍ୟୁ ମାମଲାର ଆସିଲା ସାଂଘାତିକ ସତ । ନିଖୋଜ ବୟାନ ଦେଇଥିବା ମହିଳା ହିଁ ଥିଲେ ଅସଲ ଦୋଷୀ
କନକ ବ୍ୟୁରୋ: ଜଗତସିଂହପୁରରେ ନିଖୋଜ ଶିଶୁପୁତ୍ରର ମୃତଦେହ ମିଳିବା ଘଟଣାରେ ସାମ୍ନାକୁ ଆସିଛି ସାଙ୍ଘାତିକ ତଥା ଦୁଃଖଦାୟକ ସତ । ଶିଶୁପୁତ୍ର ନିଖୋଜ ହୋଇନଥିଲା କି ତାକୁ କେହି ଅପହରଣ କରିନଥିଲେ । ବରଂ ଛୁଆଟିକୁ ଅପହରଣ କରାଯାଇଥିବା କଥା ଯେଉଁ ମହିଳା କହିଥିଲେ ସେହି ମହିଳା ଓ ତାଙ୍କ ନାବାଳକ ପୁଅ ପିଲାଟି ମୃତ୍ୟୁର କାରଣ ବୋଲି ପୁଲିସ ତଦନ୍ତରୁ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂରା ଘଟଣା ଥିଲା କିଛି ଏପରି…ଜଗତସିଂହପୁର ବିରିଡି ବ୍ଲକ ଶିବପୁର ପଞ୍ଚାୟତର ଶଙ୍କରପୁର ଗାଁକୁ ମାମୁଁଘର ବୁଲି ଆସିଥିଲା ଶିଶୁ ପୁତ୍ର । ହେଲେ ୮ ନଭେମ୍ବର ଦିନ ମାମୁଘର ଗାଁ ଦାଣ୍ଡରେ ଖେଳୁ ଖେଳୁ ନିଖୋଜ ହୋଇଯାଇଥିଲା ୨ ବର୍ଷର କୁନିପୁଅ ସୌମ୍ୟରଞ୍ଜନ । ଏହି ସମୟରେ ଗାଁର ଜଣେ ମହିଳା ଓ ତା’ଙ୍କ ନାବାଳକ ପୁଅ ଶିଶୁପୁତ୍ରକୁ ମାରି କେନାଲରେ ଫିଙ୍ଗି ଦେଇଥିଲେ ।
ମାମୁଁଘରକୁ ବୁଲି ଆସିଥିବା ଶିଶୁଟି ଘର ପାଖ ଦାଣ୍ଡରେ ଖେଳୁଥିଲା । ଏତିକି ବେଳେ ନାବାଳାକ ଜଣକ ବାଉଁଶ ନେଇ ଯିବା ବେଳେ ପିଲା ଦେହରେ ବାଜିଥିଲା ଓ ଅଚେତ ହୋଇଯାଇଥିଲା । ଚେତା ନଫେରିବାରୁ ମରିଯାଇଛି ଭାବି ନାବାଳକ ଜଣଙ୍କ ଭୟରେ କେନାଲକୁ ଫିଙ୍ଗିଦେଇଥିଲେ । ତେବେ ମାମଲା ଲୁଚାଇବାକୁ ନାବାଳକଙ୍କ ମା’ ଏକ ମିଛ କାହାଣୀ ରଚିଥିଲେ । ପିଲାଟିକୁ ଅପହରଣ କରାଯାଇଛି କହିଥିଲେ ମହିଳା ଜଣକ । ତେବେ ଏବେ ସମ୍ପୃକ୍ତ ନାବାଳକ ଓ ତାଙ୍କ ମା’ଙ୍କୁ ଗିରଫ କରି କୋର୍ଟ ଚାଲାଣ କରିଛି ବିରିଡ଼ି ଥାନା ପୋଲିସ ।