କନକ ବ୍ୟୁରୋ: କରୋନା ସମୟରେ ଘରୁ ଯାଇ ଅଭିଯୋଗ ଗ୍ରହଣ କରିବ ପୋଲିସ । ସଂକ୍ରମଣ ସମୟରେ ଅପରାଧିକ ମାମଲାର ଅଭିଯୋଗ ପାଇଁ ଲୋକଙ୍କୁ ଘରୁ ବାହାରିବାକୁ ପଡିବନି । ନିଜେ ଖୋଦ୍ ପୋଲିସ ଯାଇ ଲୋକଙ୍କୁ ଘରୁ ଅଭଯୋଗ ଗ୍ରହଣ କରିବା ସହିତ ଅନଲାଇନ ଜରିଆରେ ମାମଲା ରୁଜୁ କରି ଛାନଭିନ୍ କରିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ ।
Kanak News is now on WhatsApp
Join and get latest news updates delivered to you via WhatsApp
ଲକଡାଉନ୍ ସମୟରେ ଅପରାଧିକ ଅଭିଯୋଗ ଥାନାକୁ ନ ଆସି ଫୋନରେ ଜଣାନ୍ତୁ । ୧୦୦ କିମ୍ବା ନିକଟସ୍ଥ ଥାନା ନମ୍ବରକୁ ଫୋନ୍ କରି ଜଣାଇପାରିବେ । ଆବଶ୍ୟକସ୍ଥଳେ ପୋଲିସ ଘରକୁ ଯାଇ ଆପଣଙ୍କ ରିପୋର୍ଟ ଗ୍ରହଣ କରିବ । ଏଫଆଇଆର କପି ହ୍ୱାଟ୍ସଆପ୍ କିମ୍ବ ଇ-ମେଲରେ ପଠାଯିବ । ତଦନ୍ତରେ କୌଣସି ପ୍ରକାର ଅସୁବିଧା ହେବନାହିଁ : ଡିସିପି #Odisha pic.twitter.com/nEodUrs4XM
— Kanak News (@kanak_news) May 4, 2021
ସାରା ରାଜ୍ୟରେ ଏବେ ସଂକ୍ରମଣ ବଢିବାକୁ ଚାଲିଛି । ଆସନ୍ତାକାଲିଠୁ ରାଜ୍ୟରେ ଲକଡାଉନ୍ ମଧ୍ୟ ଲାଗିବାକୁ ଯାଉଛି । ଏପରି ସମୟରେ ପୋଲିସ ଲୋକଙ୍କ ଅଭିଯୋଗ ଶୁଣିବାକୁ ଏପରି ନୂଆ ବ୍ୟବସ୍ଥା ଆରମ୍ଭ କରିବାକୁ ଯାଉଛି । ଏହାସହ କଦାପି ତଦନ୍ତ ପ୍ରକ୍ରିୟାରେ କୌଣସି ଅସୁବିଧା ହେବ ନାହିଁ ବୋଲି ପୋଲିସ ଡିସିପି ସୂଚନା ଦେଇଛନ୍ତି ।
ଅନ୍ୟପଟେ ଆସନ୍ତାକାଲିଠୁ ଲକଡାଉନ୍ ଲାଗିବାକୁ ଥିବାରୁ ଅମାନିଆଙ୍କୁ ସତର୍କ କରାଇଦେଇଛନ୍ତି ଡିସିପି । ସମସ୍ତେ ନିୟମ ମାନି ରୁହନ୍ତୁ, ନିୟମ ଭାଙ୍ଗିଲେ ପୋଲିସ କାଯ୍ୟାନୁଷ୍ଠାନ ଗ୍ରହଣ କରିବ । ଯଦି କୌଣସି ନିହାତି ଆବଶ୍ୟକ ଅଛି, ତେବେ ପୋଲିସର ଅନୁମତି ନେଇ ଲୋକମାନେ ନିଜ କାମ କରିପାରିବେ । ଏଥିପାଇଁ ୧୦୦ ଡାଏଲ୍ କରି ଅନୁମତି ଆଣିବାକୁ ପଡିବ ବୋଲି କୁହାଯାଇଛି ।