ଟୁଇନ୍ ସିଟି ସଟଡାଉନକୁ ନେଇ ପୋଲିସ କମିଶନରଙ୍କ ପ୍ରେସମିଟ । ଅମାନିଆ ନିୟମ ଭାଙ୍ଗିଲେ ହେବ ଦୃଢ କାର୍ଯ୍ୟାନୁଷ୍ଠାନ । ରାଜଧାନୀକୁ ଜଗିବେ ୨୦ ପ୍ଲାଟୁନ୍ ଫୋର୍ସ, ୧୫୦ ଅଫିସର ।
କନକ ବ୍ୟୁରୋ: ଆସନ୍ତାକାଲିଠୁ ଟୁଇନ୍ ସିଟିରେ ଲାଗୁ ହେବାକୁ ଯାଉଛି ସଟଡାଉନ୍ । ଏନେଇ ଆଜି ଜନସାଧାରଣଙ୍କୁ ସତର୍କ କରାଇବା ସହିତ ନିୟମ ଅନୁପାଳନ କରିବାକୁ ପରାମର୍ଶ ଦେଇଛନ୍ତି ପୋଲିସ ସିପି ସୌମେନ୍ଦ୍ର ପ୍ରିୟଦର୍ଶୀ । ଆସନ୍ତାକାଲିଠୁ ଦୁଇ ଦିନ ଧରି ଟୁଇନସିଟିରେ ସଟଡାଉନ୍ କଟକଣା ବଳବତ୍ତର ରହିବ । ନାକାବନ୍ଦୀ କରି ପୋଲିସ ଅଫିସରମାନେ ଚେକିଂ ଜୋରଦାର କରିବେ । ତେଣୁ ସମସ୍ତେ ନିୟମ ଅନୁପାଳନ କରିବା ସହିତ ପୋଲିସଙ୍କୁ ସାହାଯ୍ୟ କରିବାକୁ ସିପି ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦିନିଆ ସଟଡାଉନ ନେଇ ସିପିଙ୍କ ସୂଚନା
ଅତ୍ୟାବଶ୍ୟକୀୟ କାର୍ଯ୍ୟ ପାଇଁ କଟକଣା କୋହଳ
ପାସର କୌଣସି ଆବଶ୍ୟକତା ନାହିଁ
ଟ୍ୱିନସିଟିରେ ସଟଡାଉନ ପାଳନ ପାଇଁ ପୋଲିସ ତୟାର
କଟକରେ ୨୫ ଜାଗାରେ ନାକା, ଭୁବନେଶ୍ୱରରେ ୪୩ ଜାଗାରେ ନାକାବନ୍ଦୀ- ସିପି #ShutDown @cpbbsrctc pic.twitter.com/YjimtR6FgO— Kanak News (@kanak_news) April 23, 2021
ଅନ୍ୟପଟେ ସରକାରଙ୍କ ନିର୍ଦ୍ଦେଶ ମୁତାବକ ସକାଳ ୫ଟାରୁ ୬ ଯାଏଁ ଲୋକମାନେ ମଣ୍ଣିଂ ୱାକ୍ କରିବାକୁ ସୁଯୋଗ ପାଇବେ । ଏବଂ ସଟଡାଉନରୁ ବାଦ ପଡିଥିବା ଲୋକମାନେ ମଧ୍ୟ ସେମାନଙ୍କର ଆବଶ୍ୟକୀୟ ପରଚୟ ପତ୍ର ଦେଇ ଯା ଆସ କରିପାରିବେ ବୋଲି ପୋଲିସ କମିଶନର କହିଛନ୍ତି ।
ସଟଡାଉନକୁ ଆଖି ଆଗର ରଖି କମିଶନରେଟ୍ ପୋଲିସ ପକ୍ଷରୁ ମଧ୍ୟ ଆବଶ୍ୟୀକୀୟ ପଦକ୍ଷେପ ଗ୍ରହଣ କରାଯାଇଛି । କଟକରେ ୧୨ ପ୍ଲାଟୁନ୍ ପୋଲିସ ଫୋର୍ସ ମୁତୟନ ହେବାକୁ ଥିବାବେଳେ ରାଜଧାନୀ ଭୁବନେଶ୍ୱରରେ ଚେକିଂ କଡାକଡି ପାଇଁ ୨୦ ପ୍ଲାଟୁନ୍ ପୋଲିସ ଫୋର୍ସ ଓ ୧୫୦ ଅଫିସର ନିଯୁକ୍ତ ହେବେ । ତା ସହିତ ବିଭିନ୍ନ ପୋଲିସ ଭ୍ୟାନ ମଧ୍ୟ ଟୁଇନସିଟିରେ ଚକ୍କର କାଟି ଚେକିଂ ଯାଂଚ କରିବ ବୋଲି ପୋଲିସ ସିପି ପ୍ରେସମିଟ କରି ସୂଚନା ଦେଇଛନ୍ତି ।