କନକ ବ୍ୟୁରୋ: ଦାଣ୍ଡରେ ବସାଇଦେଲା ପୁଲିସ । ଚୋରି ହୋଇଯିବାର ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ପୁଲିସ । ଚୋରି ଘଟଣାର ଛାନଭିନ୍ କରିବା ପରେ ପରିବାର ଲୋକଙ୍କୁ ପୁଲିସ କହିଲା ସେମାନେ ସାଇଣ୍ଟିଫିକ ଟିମ୍ ନେଇ ଆସିବେ । ହେଲେ ପୁଲିସ ଯାଇଛି ଯେ ଯାଇଛି । ପୁଲିସ ଆସିବ, ସାଇଣ୍ଟିଫିକ୍ ଟିମ୍ ନେଇ ଆସିବ ଏହି ଆଶାରେ ଘର ବାହାରେ ବସିରହିଲେ ପରିବାର ଲୋକେ । ହେଲେ କାହାରି ଦେଖା ମିଳିଲାନାହିଁ । ଏହିଭଳି ଏକ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ବାଙ୍କିମୁଣ୍ଡେଇ ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ଗାଁର ଅଜୟ ରାଉ୍ତଙ୍କ ଘରୁ ୧୩ ତାରିଖ ରାତି ପ୍ରାୟ ୧୨ଟା ବେଳେ ଚୋରି ହୋଇଥିଲା । ୧୧୦ଗ୍ରାମ ସୁନା ଯାହାର ମୂଲ୍ୟ ପ୍ରାୟ ୬ଲକ୍ଷ , କିଛି ରୂପା ଓ ଦେଢ ଲକ୍ଷ ଟଙ୍କା ଚୋରି ହୋଇଥିବା ଅଭିଯୋଗ ହୋଇଥିଲା । ଚୋରି ଘଟଣା ନେଇ ପୁଲିସକୁ ଅବଗତ କରିଥିଲେ ପରିବାର ଲୋକ । ଖବର ପାଇ ଘଟଣାସ୍ଥଳରେ ପହଞ୍ଚିଥିଲା କେନ୍ଦ୍ରାପଡା ପୁଲିସ । ପ୍ରାଥମିକ ସ୍ତରରେ ଛାନଭିନ୍ କରିବା ପରେ ସାଇଣ୍ଟିଫିକ୍ ଟିମ୍ ର ଆବଶ୍ୟକ ଥିବା ପରିବାର ଲୋକଙ୍କୁ ପୁଲିସ ଜଣାଇଥିଲା । ତେଣୁ ସାଇଣ୍ଟିଫିକ ଟିମ୍ ନଆସିବାଯାଏ କୌଣସି ଜିନିଷରେ ହାତ ନମାରିବାକୁ ପୁଲିସ ପରାମର୍ଶ ଦେଇଥିଲା । ଯାହାଫଳରେ ପରିବାର ଲୋକେ ଘରକୁ ନଯାଇ ବାହାରେ ଅପେକ୍ଷା କରି ରହିଲେ । ୧୩ ତାରିଖ ରାତି ସାରା ଦାଣ୍ଡରେ ପରିବାର ଲୋକଙ୍କୁ ବସିବାକୁ ପଡିଥିଲା । ଏମିତିକି ୧୪ ତାରିଖରେ ମଧ୍ୟ କାହାର ଦେଖା ମିଳିନଥିଲା । ବାଧ୍ୟ ହୋଇ ପରିବାର ଲୋକେ ଘର ବାହାରେ ଖାଇବା ପିଇବା କରିଥିଲେ । ଆଉ ଶେଷ ଖବର ସୁଦ୍ଧା ପୁଲିସ ଆଜି ପହଂଚି ପୁଣି ଥରେ ଛାନ୍ ଭିିନ୍ କରୁଛି ।