ଭୁବନେଶ୍ୱରର ଦୁଇ ଦୁଇଟି ବ୍ୟାଙ୍କ ଲୁଟର ପର୍ଦ୍ଦାଫଶ କଲା ଲୁଟେରା ପିନ୍ଧିଥିବା ବୁଟ୍ । ଜୋତାକୁ ଅସ୍ତ୍ର କରି ଲୁଟେରା ସୌମ୍ୟରଂଜନ ପାଖରେ ପହଂଚିଥିଲା କମିଶନରେଟ ପୁଲିସ । ଋଣ ନେଇଥିବା ବ୍ୟାଙ୍କରୁ ଲୁଟ୍ ହେଲା କାଳ ।
କନକ ବ୍ୟୁରୋ : ବ୍ୟାଙ୍କ୍ ଲୁଟେରାକୁ ଫସାଇ ଦେଲା ଜୋତା । ଚୋର ଯେତେ ଚତୁର ହେଉନା କାହିଁକି ଚୋରି କଲାବେଳେ ଏମିତି କିଛି ସୁରାଗ ଛାଡି ଯାଏ, ଯାହା ତାଙ୍କୁ ଜେଲ ହାଜତ ଭିତରକୁ ଟାଣିନେବା ପାଇଁ ଯଥେଷ୍ଟ ଥାଏ । ଦୋକାନୀରୁ ଲୁଟେରା ସାଜିଥିବା ସୌମ୍ୟରଞ୍ଜନ ଜେନାଙ୍କ କ୍ଷେତ୍ରରେ ବି ତାହା ହିଁ ଘଟିଛି । ଏମିତି କିଛି ସୁରାକ୍ ଛାଡ଼ି ଯାଇଥିଲା ବ୍ୟାଙ୍କ୍ ଲୁଟେରା, ଯାହା ତାକୁ ଜେଲର କାଳ କୋଠରୀକୁ ଟାଣି ନେବା ପାଇଁ ଯଥେଷ୍ଟ । ଯାହା ଭୁବନେଶ୍ୱର ବ୍ୟାଙ୍କ ଲୁଟ ଘଟଣାରେ ଘଟିଛି । ବ୍ୟାଙ୍କ୍ ଲୁଟେରାକୁ ଫାସାଇ ଦେଇଛି ଜୋତା ।
Kanak News is now on WhatsApp
Join and get latest news updates delivered to you via WhatsApp
ଇଂଟରନେଟ୍ରୁ ଲୁଟ୍ର ଯେତେ ବିଦ୍ୟା ଶିଖିଲେ କ’ଣ ହେବ? ବ୍ୟାଙ୍କ୍ ଲୁଟ୍ ବେଳେ ବ୍ୟବହାର ହୋଇଥିବା ଜୋତା, ଲୁଟେରାକୁ ଧରାପକାଇ ଦେଇଛି । ବୁଟ୍ କଲା ଲୁଟ୍ର ପର୍ଦ୍ଦାଫାସ । ଲୁଟ୍ ସମୟରେ ଯେଉଁ ବୁଟ୍ ପିନ୍ଧି ଥିଲା ଲୁଟେରା ସୌମ୍ୟରଂଜନ ଜେନା, ସେହି ବୁଟ୍ ପିନ୍ଧି ପୂର୍ବରୁ ବ୍ୟାଙ୍କ୍କୁ ଯାଇ ପ୍ରଥମେ ରେକି କରିଥିଲା । ପୁଲିସ୍, ସିସିଟିଭି ଯାଂଚ କରି ତଦନ୍ତ ଆରମ୍ଭ କରିବା ବେଳେ ଏହି ଲୁଟେରାର ହାବଭାବ ସନ୍ଦେହଜନକ ଥିଲା । ପୂର୍ବରୁ ଯେଉଁ ବୁଟ୍ ପିନ୍ଧି ରେକି କରିଥିଲା, ସେହି ବୁଟ୍ ପିନ୍ଧି ଲୁଟ୍ କଲା । ବଡ଼ କଥା ହେଉଛି ସେହି ଗୋଟିଏ ବୁଟ୍ ପିନ୍ଧି ଋଣ କରିଥିବା ଟଙ୍କା ବି ପରିଶୋଧ କରିବାକୁ ଯାଇଥିଲା ।
ଗତ କିଛି ଦିନ ତଳୁ ପୋଲିସ ଭୁବନେଶ୍ୱରରୁ ବ୍ୟାଙ୍କ ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଥିଲା । ଏହାପରେ ପୋଲିସ ଏହି ଲୁଟ ନେଇ ତନାଘନା ଆରମ୍ଭ କରିଥିଲା । ତଦନ୍ତ ପରେ ଘଟଣା ସାମ୍ନାକୁ ଆସିଥିଲା ।