ମୁମ୍ବାଇରୁ ୧ କୋଟିରୁ ଅଧିକ ମୂଲ୍ୟର ଗହଣା ଚୋରି ମାମଲା। ବାଲେଶ୍ବର ସୋରରୁ ଅଭିଯୁକ୍ତକୁ ଗିରଫ କଲା ପୋଲିସ। ୧୨ ଲକ୍ଷରୁ ଅଧିକ ଟଙ୍କାର ଗହଣା ଜବତ।
କନକ ବ୍ୟୁରୋ: ବାଲେଶ୍ବର ସୋରରେ ମୁମ୍ବାଇ ପୋଲିସ । ମୁମ୍ବାଇରୁ ୧କୋଟିରୁ ଅଧିକ ମୂଲ୍ୟର ଗହଣା ଚୋରି ଘଟଣାର ତଦନ୍ତ କରି ସୋରରୁ ଅଭିଯୁକ୍ତଙ୍କୁ ଗିରଫ କରିବା ପାଇଁ ମୁମ୍ୱାଇ ପୋଲିସ ପହଞ୍ଚିଛି । ସୋର ପୌରାଞ୍ଚଳର ଗୋପୀନାଥପୁର ଗାଁର କେଶବ ଜେନା ଓରଫ ଚକ୍ରଧରଙ୍କୁ ପୋଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
କେଶବ ଜେନାଙ୍କ ସୂଚନା ଆଧାରରେ ସୋର ବଡଖୁରି ଛକରେ ଥିୱା ଜଗଧାତ୍ରୀ ଜୁଏଲାରିରୁ ଚୋରି ହୋଇଥିବା ୧୨ ଲକ୍ଷରୁ ଅଧିକ ଟଙ୍କାର ଗହଣା ପୋଲିସ ଜବତ କରିଛି । ସେପଟେ ଚକ୍ରଧରର ଅନ୍ୟ ଦୁଇ ଜଣ ସହଯୋଗୀଙ୍କୁ ଗିରଫ କରି ମୁମ୍ବାଇ ପୋଲିସ ତଦନ୍ତ ଚଳାଇଛି । ମୁମ୍ୱାଇର ଗାମଦେବୀ ଥାନା ଅଞ୍ଚଳର ନନଦେଶ ଜଗଦୀଶ ବାସାଙ୍କ ଘରେ କାମ କରୁଥିଲେ କେଶବ। ଗତ ନଭେମ୍ବର ୨୨ତାରିଖରେ ସୁଯୋଗ ଦେଖି ଜଗଦୀଶ ବାସାଙ୍କ ଘରୁ ୧ କୋଟିରୁ ଅଧିକ ମୂଲ୍ୟର ଗହଣା ଚୋରି କରି ଫେରାର ହୋଇଯାଇଥିଲେ । ମାମଲାର ଖୋଳତାଡ କରି ମୁମ୍ୱାଇ ପୋଲିସ ଜଗଦୀଶକୁ ଭୁବନେଶ୍ବରରୁ ଗିରଫ କରିବା ସହ ତାର ଅନ୍ୟ ସହଯୋଗୀଙ୍କୁ ମଧ୍ୟ ଗିରଫ କରିଛି ।