ଠକେଇରେ ମାଷ୍ଟର ପୂରା ପରିବାର! ପୁଲିସ୍ ଆଖିରେ ଧୂଳିଦେଇ ଗୋଟିଏ ପରେ ଗୋଟିଏ ଲୁଟିଚାଲିଥିଲେ ଫ୍ରଡ୍ ଫ୍ୟାମିଲି । କଟକର ଠକ ପରିବାରକୁ ନେଇ ଜୋରଦାର ଚର୍ଚ୍ଚା
ପରିବାରର ସମସ୍ତେ ଠକେଇ କରିବାରେ ମାଷ୍ଟର
କନକ ବ୍ୟୁରୋ: ଫ୍ରଡ ଫ୍ୟାମିଲି । ପରିବାରର ସମସ୍ତେ ଠକେଇରେ ମାଷ୍ଟର । ଏଭଳି ଖବର ଆସିଛି କଟକ ଅଂଚଳରୁ । ଗୋଟିଏ ପରିବାରର ସମସ୍ତ ସଦସ୍ୟ ଲୁଟରେ ସଂପୃକ୍ତ ଥାଇ କିପରି ଗୋଟିଏ ପରେ ଗୋଟିଏ ଲୁଟ କରି ପୁଲିସ ଆଖିରେ ଧୂଳିଦେଇ ଖସି ଯାଉଥିଲେ, ତାହା ଏବେ ପର୍ଦ୍ଦାଫାଶ ହୋଇଛି । ପୂରା ପରିବାରର ସମସ୍ତ ସଦସ୍ୟ ପୂର୍ବରୁ ଏକାଧିକ ଥର ଚୋରି ଘଟଣାରେ ମଧ୍ୟ ଗିରଫ ହୋଇଥିବାର ଖବର ପୁଲିସର ହସ୍ତଗତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜିରୋ ନାଇଟରେ ଯେତେବେଳେ ସହରର ସମସ୍ତ ବ୍ୟକ୍ତି ଉତ୍ସବ ପାଳନରେ ବ୍ୟସ୍ତ ଥିଲେ ସେତେବେଳେ ବିଭିନ୍ନ ସ୍ଥାନରେ କଳାକନା ବୁଲାଇଥିଲେ ଲୁଟେରା ଗ୍ୟାଙ୍ଗ । ଆଉ ଏହି ଲୁଟର ମାଷ୍ଟରମାଇଣ୍ଡ ଥିଲା ଅନିଲ ଦାସ ଓରଫ ଘାଂଟୁଆ ଓ ଗ୍ୟାଙ୍ଗ । କଟକର ସତୀଚଉରା ସ୍ଥିତ ବ୍ୟାଙ୍କ ଓ ନିକଟରେ ଥିବା ସୋରୁମରେ ବିଳମ୍ବିତ ରାତିରେ ଲୁଟପାଟ ଚଲାଇଥିଲେ । ଲକ୍ଷାଧିକ ଟଙ୍କା ସହ ବିଭିନ୍ନ ସାମଗ୍ରୀ ଲୁଟ ହୋଇଥିବା ନେଇ ପୁଲିସ ନିକଟରେ ଅଭିଯୋଗ ହୋଇଥିଲା । ତଦନ୍ତ କରିବା ପରେ ଘଟଣାର ମାଷ୍ଟର ମାଇଣ୍ଡ ଘାଂଟୁଆକୁ ଗିରଫ କରିବା ସହ ତାର ମା, ଭଉଣୀ, ଭିଣୋଇ ଓ ସ୍ତ୍ରୀକୁ ମଧ୍ୟ ଗିରଫ କରିଥିଲା ପୁଲିସ ।
ପୁଲିସ ସୂଚନା ମୁତାବକ, ଦିନବେଳା ଘରର ସମସ୍ତ ସ୍ତ୍ରୀଲୋକ ବିଭିନ୍ନ ଘରବୁଲି ପରିସ୍ଥିତି ଉପରେ ନଜର ରଖୁଥିଲେ ଓ ରାତିରେ ସେହି ଘରୁ ଲୁଟ କରୁଥିଲେ ପୁରୁଷ ସଦସ୍ୟ । ପୂର୍ବରୁ ଏଭଳି ବିଭିନ୍ନ ଲୁଟ ମାମଲାରେ ପୁରା ପରିବାର ଜେଲ ଯାଇଥିବା କଥା ମଧ୍ୟ ଜଣାପଡିଛି ।