ଛଡାଇ ଆଣିବୁ ପିଓକେ ! ପାକ୍ ଅଧିକୃତ କଶ୍ମୀର ନେଇ ସେନା ମୁଖ୍ୟଙ୍କ ବଡ଼ ବୟାନ । କହିଲେ, ପିଓକେ ଆମର, ସଂସଦ ନିର୍ଦ୍ଦେଶ ଦେଲେ ସେନା କରିବ ବଡ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ପିଓକେ ଆମର । ପାକ୍ ଅଧିକୃତ କଶ୍ମୀର ଭାରତର । ସଂସଦ ଖାଲି ନିର୍ଦ୍ଦେଶ ଦେଲେ ଆମେ ପିଓକେ ପାଇଁ ବଡ କାର୍ଯ୍ୟାନୁଷ୍ଠାନ ନେବୁ । ପାକ ଅଧିକୃତ କାଶ୍ମୀକୁ ନେଇ ଏଭଳି ବଡ ବୟାନ ଦେଇଛନ୍ତି ନୂଆ ସେନାମୁଖ୍ୟ ମନୋଜ ମୁକୁନ୍ଦ ନରୱଣେ । ସେନା ମୁଖ୍ୟ ଭାବେ ଦାୟିତ୍ୱ ନେବା ପରେ ନିଜର ପ୍ରଥମ ସାମ୍ବାଦିକ ସମ୍ମିଳନୀରେ ଏଭଳି କଥା କହିଛନ୍ତି ମୁକୁନ୍ଦ ।
Kanak News is now on WhatsApp
Join and get latest news updates delivered to you via WhatsApp
Army Chief on if PoK can be part of India as stated by political leadership: There is a parliamentary resolution that entire J&K is part of India.If Parliament wants it,then,that area(PoK) also should belong to us. When we get orders to that effect, we’ll take appropriate action pic.twitter.com/D7f7gJTalD
— ANI (@ANI) January 11, 2020
ତେବେ ପାକ ଅଧିକୃତ କାଶ୍ମୀରକୁ ନେଇ ବାରମ୍ବାର ରାଜନୈତିକ ବୟାନ ଆସୁଥିବା ବେଳେ ପ୍ରଥମ ଥର ପାଇଁ ଏଭଳି ପ୍ରତିକ୍ରିୟା ରଖିଛନ୍ତି ନୂଆ ସେନା ମୁଖ୍ୟ । ଏପରିକି ସଂସଦର ନିର୍ଦ୍ଦେଶ ମିଳିଲେ ସେନା କାର୍ଯ୍ୟାନୁଷ୍ଠାଠାନ କରିବ ବୋଲି ସେ ସ୍ପଷ୍ଟ କରିଛନ୍ତି । ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପିଓକେ ଏବଂ ଅକ୍ସାଇ ଚୀନକୁ ଅଧିକାର କରି ଭାରତରେ ମିଶ୍ରଣ କରାଯିବ ବୋଲି ସଂସଦରେ ସୂଚନା ଦେଇଥିଲେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ପିଓକେ ଅଧିକାର ନେଇ ବାରମ୍ବାର ତାଙ୍କ ଭାଷଣରେ କହିଛନ୍ତି । ଆଉ ଏବେ ସେନାମୁଖ୍ୟଙ୍କ ପିଓକେ ବୟାନ ପଡୋଶୀ ମନରେ ଛନକା ଭରିବ ବୋଲି ଚର୍ଚ୍ଚା ଆରମ୍ଭ ହୋଇଛି ।