କନକ ବ୍ୟୁରୋ : ଆସାମରେ ଚାଲିଥିବା ବିଧାନସଭା ନିର୍ବାଚନ ପାଇଁ ଆଜି ପ୍ରଧାମନ୍ତ୍ରୀ ନରେନ୍ଦ୍ର ମୋଦି ଆସାମ ଗସ୍ତରେ ଅଛନ୍ତି । ଆଜି ସେ ତାସୁଲପୁର ଠାରେ ଏକ ଜନସଭାକୁ ସମ୍ବୋର୍ଦ୍ଧିତ କରୁଥିବା ବେଳେ ଦେଖିବାକୁ ମିଳିଛି ଏକ ଅଜବ ଘଟଣା । ସଭାରେ ଭାଷଣ ଶୁଣୁଥିବା ଜଣେ ବିଜେପି କର୍ମକର୍ତ୍ତା ପାଣି ନ ମିଳିବାରୁ ବେହୋସ୍ ହୋଇଯାଇଥିଲେ । ଏହା ଜାଣିବା ପରେ ପ୍ରଧାନମନ୍ତ୍ରୀ ନିଜ ଡାକ୍ତରୀ ଟିମ୍ କୁ ପଠାଇ କର୍ମୀଙ୍କର ଚିକିତ୍ସା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମଞ୍ଚ ଉପରୁ ଥାଇ ପ୍ରଧାନମନ୍ତ୍ରୀ କହିଥିଲେ କି ମୋ ସହିତ ଯେଉଁ ଡାକ୍ତରୀ ଟିମ୍ ଆସିଛନ୍ତି, ସେମାନେ ତୁରନ୍ତ ଯାଇ ବେହୋସ ହୋଇଯାଇଥିବା ଲୋକର ଚିକିତ୍ସା କରନ୍ତୁ ।
ଏହା ପୂର୍ବରୁ ଜନସଭାକୁ ସମ୍ବୋଧିତ କରିବା ଅବସରରେ ପ୍ରଧାନମନ୍ତ୍ରୀ କହିଥିଲେ କି ଏନଡିଏ ର ଡବଲ ଇଂଜିନ୍ ସରକାର ପୂର୍ବ ୫ ବର୍ଷରେ ଆସାମ ଲୋକଙ୍କୁ ଡବଲ ଲାଭ ଦେଇଛି । ବିକାଶ ହୋଇଛି , ଯୋଗା ଯୋଗରେ ସୁଧାର ଆସିଛି , ଯାହା ଫଳରେ ମହିଳାଙ୍କ ଜୀବନ ସହଜ ହୋଇଛି । ଯୁବକ ମାନଙ୍କ ପାଇଁ ରୋଜଗାରର ବାଟ ଫିଟିଛି । ପ୍ରଧାନମନ୍ତ୍ରୀ କହିଥିଲେ କି ‘ମୋ ରାଜନୈତିକ ଅନୁଭବ ଆଧାରରେ ଜନତାଙ୍କ ଭଲ ପାଇବାର ଭାଷା, ଜନତାଙ୍କ ଆର୍ଶିବାଦ ମୋତେ ସୂଚାଉଛି କି ପୁଣି ଆସାମରେ ଏନଡିଏର ସରକାର ଗଠନ ହେବ’ ।
କଂଗ୍ରେସ ଉପରେ ଟାର୍ଗେଟ୍ କରି ପ୍ରଧାନମନ୍ତ୍ରୀ କହିଥିଲେ କି ଆସାମର ପରିଚୟ ଉପରେ ବାରମ୍ବାର ଅପମାନ କରୁଥିବା ଲୋକଙ୍କୁ ଆସାମବାସୀ ବରଦାସ୍ତ କରିବେ ନାହିଁ । ଆସାମକୁ ଦୀର୍ଘବର୍ଷ ହେବ ହିଂସା ଓ ଅସ୍ଥିରତା ଦେଇଥିବା ଲୋକଙ୍କୁ ଆସାମବାସୀ କେବେ ବି ସ୍ୱିକାର କରିବେ ନାହିଁ ।