ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା, ଜାଣନ୍ତୁ କେବେ ମଳିବ ୧୪ତମ କିସ୍ତି ?
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା କାଲି ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାର ୧୪ ତମ କିସ୍ତି ଜାରି କରିବେ । ପ୍ରଧାନମନ୍ତ୍ରୀ ଦୁଇ ଦିବସୀୟ ଯାତ୍ରାକ୍ରମରେ ଜୁଲାଇ ୨୭ ତାରିଖରେ ରାଜସ୍ଥାନ ଓ ୨୮ ତାରିଖରେ ଗୁଜରାଟରେ ରହିବେ । ଆସନ୍ତା କାଲି ରାଜସ୍ଥାନର ସୀକର ଠାରେ ଆୟୋଜିତ ଏକ ସଭାରେ ଦେଶର ୮.୫ କୋଟି କୃଷକଙ୍କୁ ପ୍ରଧାନମନ୍ତ୍ରୀ କିଷାନ ନିଧି ଯୋଜନାର ୧୪ ତମ କିସ୍ତି ଆବଣ୍ଟନ କରିବେ । ଏହି କ୍ରମରେ ପ୍ରଧାନମନ୍ତ୍ରୀ କୃଷକମାନଙ୍କୁ ପାଖାପାଖି ୧୭ ହଜାର କୋଟି ଟଙ୍କା ପ୍ରଦାନ କରିବେ । ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ସୂଚନା ଦେଇଛନ୍ତି । ଏହି କ୍ରମରେ ଯୋଗ୍ୟ କୃଷକମାନଙ୍କ ବ୍ୟାଙ୍କ ଖାତାକୁ ୨ ହଜାର ଟଙ୍କା ଲେଖାଏଁ ପଠାଯିବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାଜସ୍ଥାନରେ ଚଳିତ ବର୍ଷ ନଭେମ୍ବର କିମ୍ବା ଡିସେମ୍ବର ମାସରେ ବିଧାନସଭା ନିର୍ବାଚନ ଅନୁଷ୍ଠିତ ହେବା ବୋଲି ଅନୁମାନ କରାଯାଉଛି । ଏହାକୁ ନଜରରେ ରଖି ପ୍ରଧାନମନ୍ତ୍ରୀ ପିଏମ୍ କିଷାନ ନିଧୀ ଯୋଜନାର ୧୪ ତମ କିସ୍ତି ଆବଣ୍ଟିତ କରିବାକୁ ରାଜସ୍ଥାନକୁ ଚୟନ କରିଛନ୍ତି । ଏହାସହ ରାଜସ୍ଥାନରେ ସ୍ୱାସ୍ଥ୍ୟସେବାର ସୂଧାର ଆଣିବାକୁ ପ୍ରଧାନମନ୍ତ୍ରୀ ଆସନ୍ତାକାଲି ୫ ଟି ମେଡିକାଲ କଲେଜର ଉଦଘାଟନ କରିବେ ।