୬ଟି ରାଜ୍ୟରେ ‘ସ୍ୱାମୀତ୍ୱ ଯୋଜନା’ର ଶୁଭାରମ୍ଭ କଲେ ପ୍ରଧାନମନ୍ତ୍ରୀ । ଡ୍ରୋନ ମାଧ୍ୟମରେ ଗାଁର ସବୁ ଲୋକଙ୍କ ସଂପତ୍ତି ହେବ ମ୍ୟାପିଂ। ପଂଚାୟତିରାଜକୁ କରାଯିବ ଡିଜିଟାଲିକରଣ
କନକ ବ୍ୟୁରୋ: ଦେଶରେ କରୋନା ମହାମାରୀ ମଧ୍ୟରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ସମସ୍ତ ସରପଂଚଙ୍କ ସହ ଭିଡିଓ କନଫରେନ୍ସିଂ ଜରିଆରେ କଥାବାର୍ତ୍ତା ହୋଇଛନ୍ତି । ଏଥିସହିତ ପଂଚାୟତିରାଜ ଦିବସ ଅବସରରେ ମୋଦି ଏକ ନୂଆ ଇ-ଗ୍ରାମ ସ୍ୱରାଜ ପୋର୍ଟାଲ ଏବଂ ଏକ ସ୍ୱତନ୍ତ୍ର ମୋବାଇବ ଆପ ଲଂଚ ମଧ୍ୟ କରିଛନ୍ତି । ତେବେ ଏହି ପୋର୍ଟାଲ ଜରିଆରେ ଗ୍ରାମ ପଂଚାୟତର ସମସ୍ୟା ଏବଂ ସେମାନଙ୍କ ସହ ଜଡିତ ସମସ୍ତ ସୂଚନା ଗୋଟିଏ ଜାଗାରେ ଉପଲବ୍ଧ ହେବ । ସେହିଭଳି ପଂଚାୟତି ରାଜ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୬ଟି ରାଜ୍ୟରେ ସ୍ୱାମୀତ୍ୱ ଯୋଜନାର ଶୁଭାରମ୍ଭ ମଧ୍ୟ କରିଛନ୍ତି । ଯାହା ଫଳରେ ପଂଚାୟତିରାଜକୁ ଡିଜିଟାଲିକରଣ କରାଯିବା ସହ ଡ୍ରୋନ ମାଧ୍ୟମରେ ଗାଁର ସବୁ ଲୋକଙ୍କ ସଂପତିକୁ ମ୍ୟାପିଂ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭିଡିଓ କନଫରେନ୍ସିଂ ମାଧ୍ୟମରେ ଦେଶର ଗ୍ରାମ ପଂଚାୟତର ପ୍ରତିନିଧିଙ୍କ ସହିତ ଆଲୋଚନା କରିଛନ୍ତି । ଏହି ଅବସରରେ ନୂଆ ଇଗ୍ରାମ ସ୍ୱାରାଜ ପୋର୍ଟାଲ ସହିତ ଉଦଘାଟନ ହୋଇଛି ସ୍ୱାମିତ୍ୱ ଆପ୍ । ଦେଶର ୬ଟି ରାଜ୍ୟରେ ଆରମ୍ଭ ହେଉଛି ଏହି ସ୍ୱାମିତ୍ୱ ଯୋଜନା । ଆଗକୁ ଏହା ଆରମ୍ଭ ହେବ ଦେଶର ସବୁ ଗ୍ରାମରେ । ଡ୍ରୋନ୍ ଜରିଆରେ ସମସ୍ତଙ୍କ ସମ୍ପତି ନେଇ ସର୍ଭେ ତଥ୍ୟ ରହିବ ଏହି ଆପରେ । ସମ୍ପତିକୁ ନେଇ ଲୋକଙ୍କ ମଧ୍ୟରେ ଥିବା ବିବାଦ ବି କମିଯିବ । ସହର ପରି ଆପଣ ଗାଁରେ ବି ସ୍ୱାମିତ୍ୱ ଆପ୍ ଜରିଆରେ ଋଣ ନେଇପାରିବେ ।
ହରିୟାଣା, ଉତରପ୍ରଦେଶ, ମଧ୍ୟପ୍ରଦେଶ ପରି ୬ ଟି ରାଜ୍ୟରେ ଏହା ପ୍ରାଥମିକ ଲାଗୁ ହୋଇଛି । ଆଗକୁ ଏହା ଦେଶର ଗ୍ରାମବାସୀମାନଙ୍କୁ ସ୍ୱାବଲଂବୀ କରିବ । ଏହି ଅବସରରେ ପ୍ରଧାନମନ୍ତ୍ରୀ ଜାମ୍ମୁକାଶ୍ମୀରର ବାରାମୁଲାର ସରପଂଚ ମହମ୍ମଦ ଇକବାଲଙ୍କ ସହିତ କଥା ହୋଇଥିଲେ । ଇକବାଲ୍ କହିଥିଲେ ସେ କିପରି ତାଙ୍କର ସମସ୍ତ ଗାଁ ଗୁଡିକୁ କରୋନା ଭୂତାଣୁ ଓ ତାଲାବନ୍ଦ ନେଇ ସୂଚନା ଦେଇଥିଲେ । ଏହି ଅବସରରେ ମୋଦି କହିଛନ୍ତି ଏବେ କରୋନା ପାଇଁ ଆମର କଥା ହେବାର ତରିକା ବି ବଦଳି ଯାଇଛି । କେହି ସାମ୍ନାସାମ୍ନି କଥା ହୋଇପାରୁନେ । କରୋନା ଅବସରରେ ଏବେ ଗାଁ ଯାଏଁ ଗ୍ରାମସ୍ୱରାଜ ପହଁଚିବାର ଆବଶ୍ୟକତା ବଢିଯାଇଛି । କରୋନା ମୁକାବିଲା କରିବାକୁ ହେଲେ ଆଗକୁ ଆମକୁ ଆତ୍ମନିର୍ଭରଶୀଳ ହେବାକୁ ପଡିବ । ବିନା ଆତ୍ମନିର୍ଭରଶୀଳ ହୋଇ ଏହାକୁ ମୁକାବିଲା କରିପାରିବା ନାହିଁ । ବର୍ତମାନ ବଦଳିଥିବା ପରିସ୍ଥିତି ଆମକୁ ଆତ୍ନନିର୍ଭରଶୀଳ ହେବାକୁ ପୁଣି ମନେ ପକାଇ ଦେଇଛି ।