କନକ ବ୍ୟୁରୋ: ଆଜି କରୋନା ନେଇ ସାରା ଦେଶକୁ ପୁଣି ଥରେ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାତି ୮ଟାରେ ସମ୍ବୋଧିତ କରିବା ନେଇ ଟୁଇଟ କରି ସୂଚନା ଦେଇଛନ୍ତି । ତେବେ ମୋଦି କୌଣସି ଏକ ବଡ଼ ଘୋଷଣା କରିବାର ସମ୍ଭାବନା ମୋଦି । ଏହା ପୂର୍ବରୁ ଗତ ଗୁରୁବାର ଦେଶବାସୀଙ୍କୁ ସମ୍ବୋଧିତ କରି ପୁରା ଦେଶରେ ଜନତା କର୍ଫ୍ୟୁ ଲାଗି କରିଥିଲେ । ରବିବାର ଦିନ କେହି ବି ଘରୁ ନବାହାରିବାକୁ ପରାମର୍ଶ ଦେଇଥିଲେ । ଏହାକୁ ମଧ୍ୟ ପୂର୍ଣ୍ଣ ମାତ୍ରାରେ ସଫଳ ମିଳିଥିଲା । ତେବେ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିଚାଲିଥିବା ବେଳେ ମୋଦି ଆଜି ଏନେଇ କିଛି ବଡ଼ ଘୋଷଣା କରିବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
वैश्विक महामारी कोरोना वायरस के बढ़ते प्रकोप के संबंध में कुछ महत्वपूर्ण बातें देशवासियों के साथ साझा करूंगा। आज, 24 मार्च रात 8 बजे देश को संबोधित करूंगा।
Will address the nation at 8 PM today, 24th March 2020, on vital aspects relating to the menace of COVID-19.
— Narendra Modi (@narendramodi) March 24, 2020
ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୪୯୮ରେ ପହଁଚିଛି । ଗତ ୩ ଦିନ ଭିତରେ ଦେଶରେ ୨୪୬ ଜଣ ଆକ୍ରାନ୍ତ ହୋଇଛନ୍ତି । ଯାହାକି ଦେଶର ମୋଟ ଆକ୍ରାନ୍ତଙ୍କ ସଂଖ୍ୟାର ଅଧା । ତେବେ ସ୍ୱସ୍ଥ୍ୟ ମନ୍ତ୍ରାଳୟ ପକ୍ଷରୁ ୪୭୮ଜଣ କରୋନାରେ ଆକ୍ରାନ୍ତ ହୋଇଥିବା ସୂଚନା ଦିଆଯାଇଛି । ସେମାନଙ୍କ ମଧ୍ୟରୁ ୪୦ଜଣ ବିଦେଶୀ ରହିଥିବା କୁହାଯାଇଛି । ଏବଂ ଏମାନଙ୍କ ମଧ୍ୟରୁ ୩୫ ଜଣ ସୁସ୍ଥ ହୋଇ ଫେରିଥିବା ନେଇ ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ତେବେ ବର୍ତ୍ତମାନ ସୁଦ୍ଧା ଦେଶରେ କରୋନା ସଂକ୍ରମଣରେ ୯ ଜଣଙ୍କର ମୃତ୍ୟୁ ହୋଇଛି ।
ଏପଟେ ଓଡିଶାରେ ବର୍ତମାନ ସୁଦ୍ଧା ୮୫ଜଣଙ୍କ ରକ୍ତ ନମୁନା ପରୀକ୍ଷା କରାଯାଇଥିବା ବେଳେ ସେଥିରୁ ୮୩ଟି ନମୁନା ନେଗେଟିଭ ଆସିଛି । ଏବଂ ଚିକିତ୍ସିତ ହେଉଥିବା ୨ଜଣଙ୍କର ଅବସ୍ଥା ଭଲ ରହିଛି । ସେପଟେ ବିଶ୍ୱର ୧୯୨ଟି ଦେଶକୁ ଏହି ମହାମାରୀ ବ୍ୟାପିଲାଣି । ବିଶ୍ୱବ୍ୟାପି ୩ ଲକ୍ଷ ୬୮ ହଜାର ୫୪୩ଜଣ ଭାଇରସରେ ଆକ୍ରାନ୍ତ ହୋଇଥିବାବେଳେ ୧୬ହଜାରରୁ ଉର୍ଦ୍ଧ ଲୋକଙ୍କର ମୃତ୍ୟୁ ହୋଇଛି । ଇଟାଲୀରେ ମୃତ୍ୟୁ ସଂଖ୍ୟା ୬ହଜାର ଟପିଥିବାବେଳେ ସ୍ପେନରେ ୨୨ଶହ ଓ ଆମେରିକାରେ ୪ଶହ ଟପିଛି ।