ଭାରତରେ ବୁର୍କା ପିନ୍ଧିବା ଉପରେ ରୋକ୍ ଲଗାଇବାକୁ ଦାବି କଲା ଶିବସେନା : କହିଲା, ସର୍ଜିକାଲ ଷ୍ଟ୍ରାଇକ ଭଳି ଏଥିରେ ମଧ୍ୟ ମୋଦି ସାହସ ଦେଖାନ୍ତୁ ଓ ବୁର୍କା ବ୍ୟାନ୍ କରନ୍ତୁ
ଶିବସେନାର ମୁଖପତ୍ର ‘ସାମନା’ରେ ବୁର୍କା ଉପରେ ପ୍ରତିବନ୍ଧକ ଲଗାଇବାକୁ ଦାବି କରାଯାଇଛି । ‘ସାମନା’ରେ ଲେଖା ଅଛି କି, ଭୀଷଣ ବୋମା ବିସ୍ଫୋରଣ ପରେ ଶ୍ରୀଲଙ୍କାରେ ବୁର୍କା ଓ ନକାବ ସହିତ ଚେହେରା ଢ଼ାଙ୍କିବା ଭଳି ସମସ୍ତ ଜିନିଷ ଉପରେ ପ୍ରତିବନ୍ଧକ ଲଗାଇ ଦିଆଯାଇଛି । ରାଷ୍ଟ୍ରର ସୁରକ୍ଷା ପାଇଁ ଏହି ନିର୍ଣ୍ଣୟ ନିଆଯାଇଛି ବୋଲି ରାଷ୍ଟ୍ରପତି ମୈତ୍ରିପାଲ ସିରିସେନା ଘୋଷଣା କରିଛନ୍ତି । ଆମେ ଏହି ନିର୍ଣ୍ଣୟକୁ ସ୍ୱାଗତ କରୁଛୁ । ଏବଂ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଶ୍ରୀଲଙ୍କା ରାଷ୍ଟ୍ରପତିଙ୍କ ଭଳି ପଦକ୍ଷେପ ନେଇ ଭାରତରେ ମଧ୍ୟ ବୁର୍କା ଓ ସେହି ପ୍ରକାରର ମୁହଁ ଢ଼ାଙ୍କୁଥିବା ଜିନିଷକୁ ବନ୍ଦ କରନ୍ତୁ, ଏମିତି ଦାବି ରାଷ୍ଟ୍ରର ହିତ ପାଇଁ କରୁଛୁ ।
Kanak News is now on WhatsApp
Join and get latest news updates delivered to you via WhatsApp
ଆହୁରି ମଧ୍ୟ ଲେଖା ହୋଇଛି କି, ଫ୍ରାନ୍ସରେ ମଧ୍ୟ ଆତଙ୍କବାଦୀ ଆକ୍ରମଣ ହେବା ପରେ ସେଠାକାର ସରକାର ବୁର୍କା ପିନ୍ଧିବା ଉପରେ ରୋକ ଲଗାଇଦେଲେ । ନ୍ୟୁଜିଲାଣ୍ଡ, ଅଷ୍ଟ୍ରେଲିୟା ଓ ବ୍ରିଟେନରେ ବି ଏହା ହୋଇଛି । ପୁଣି ଏହି ପ୍ରସଙ୍ଗରେ ହିନ୍ଦୁସ୍ତାନ ପଛରେ କାହିଁକି ? ଏମିତିରେ ଅସଂଖ୍ୟ ମୁସଲିମ୍ ଯୁବତୀ ବୁର୍କା ନପିନ୍ଧିବାକୁ ଚାହୁଁଛନ୍ତି । ଆଉ ଗୋଟିଏ କଥା ବୁର୍କା ବାହାନାରେ ନିଶ୍ଚିତ ରୂପେ କିଛି ନା କିଛି ଷଡଯନ୍ତ୍ର ହେଉଛି । ଏହାର ଅନୁମାନ ଲଗାଯାଇପାରିବ ନାହିଁ ।