ମୋଦିଙ୍କ ମନକୁ ଛୁଇଁଲା ଦେଶୀ ଯୁବକଙ୍କ ମହାଦେବ ଗୀତ, ଟ୍ୱିଟ୍ କରି ଖୋଦ୍ ପ୍ରଧାନମନ୍ତ୍ରୀ କଲେ ଭାଇରାଲ୍ ।
ଜାଗର ପୂର୍ବରୁ ସୋସିଆଲ ମିଡିଆରେ ଭାଇରାଲ ହେଉଛି ଦୁଇ ଯୁବକ ଗାଉଥିବା ମହାଦେବଙ୍କ ମନଛୁଆଁ ଗୀତ । ଯାହାକୁ ଟ୍ୱିଟର ପେଜରେ ସେୟାର କରି ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ମୋଦି । ତେବେ କିଏ ଏହି ଦୁଇ ଯୁବକ, ଏମାନଙ୍କର ପରିଚୟ କଣ? ଏସବୁ ବାବଦରେ କିଛି ଜଣାନଥିଲେ ବି ପ୍ରଧାନମନ୍ତ୍ରୀ ମୋଦି ଏହି ଗୀତକୁ ତାଙ୍କ ଟ୍ୱିଟର ପେଜରେ ସେୟାର କରିବା ପରେ ସୋସିଆଲ ମିଡିଆରେ ସେନସେସନ୍ ପାଲଟିଛନ୍ତି ଏହି ଦୁଇ ଯୁବକ । ଅଜଣା ଅଚିହ୍ନା ଯୁବକ ଏବେ ରାତାରାତି ଷ୍ଟାର ପାଲଟିଯାଇଛନ୍ତି । ଏହି ଦୁଇ ଯୁବକଙ୍କ ଗୀତ ଶୁଣିଲେ ଆପଣ ମଧ୍ୟ ମନ୍ତ୍ରମୁଗ୍ଧ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଯୁବକଙ୍କ ଗୀତକୁ ପ୍ରଧାନମନ୍ତ୍ରୀ ଟ୍ୱିଟ୍ କରିବା ପରେ ପୂରା ଦେଶରୁ ଏମାନଙ୍କ ନିକଟକୁ ପ୍ରଶଂସାର ସୁଅ ଛୁଟୁଛି । ଆଉ ଏବେ ଏହି ଦୁଇ ଯୁବକଙ୍କୁ ଖୋଜିବା ମଧ୍ୟ ଆରମ୍ଭ ହୋଇଯାଇଛି । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓକୁ ମାତ୍ର ୨୦ ଘଣ୍ଟା ମଧ୍ୟରେ ଏହି ୫ଲକ୍ଷରୁ ଅଧିକ ଲୋକ ଦେଖି ସେୟାର କରିସାରିଲେଣି ।