କନକ ବ୍ୟୁରୋ: ଲୋକସଭା ନିର୍ବାଚନ ୨୦୨୪ ନେଇ ରାଜନୈତିକ ଦଳ ନିଜର ରଣନୀତି ପ୍ରସ୍ତୁତ କରିଚାଲିଛନ୍ତି । ବିରୋଧୀ ଦଳ ଇଣ୍ଡିଆ ମେଣ୍ଟ ଜରିଆରେ ଆଗକୁ ବଢୁଛନ୍ତି । ସେପଟେ ଏନଡିଏ ନିଜର ସାଥୀଙ୍କୁ ଯୋଡିବା ପାଇଁ କାମ ଆରମ୍ଭ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ଏନଡିଏର ୩୩୦ ସାଂସଦଙ୍କ ସହ ସାକ୍ଷାତ କରିବା ସହ ୨୦୨୪ ନିର୍ବାଚନ ନେଇ ଆଲୋଚନା କରିବେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜୁଲାଇ ୩୧ରୁ ଅଗଷ୍ଟ ୧୦ ଯାଏ ଏନଡିଏ ସାଂସଦ ଅଲଗା ଅଲଗା ସମୂହ କରି ପ୍ରଧାନମନ୍ତ୍ରୀଙ୍କ ସହ ଚର୍ଚ୍ଚା କରିବେ । ଅନେକ ସାଂସଦ ନିଜର କାମର ସମସ୍ତ ତଥ୍ୟ ପ୍ରଧାନମନ୍ତ୍ରୀଙ୍କୁ ଦେବେ । ପ୍ରଧାନମନ୍ତ୍ରୀ ସାଂସଦଙ୍କୁ ବିଜୟର ମନ୍ତ୍ର ଦେବେ ।
ଏହି ବୈଠକର ଶୁଭାରମ୍ଭ ଉତ୍ତରପ୍ରଦେଶର ସାଂସଦଙ୍କ ଠାରୁ ଆରମ୍ଭ ହେବ । ୩୧ ଜୁଲାଇରେ ପଶ୍ଚିମ ୟୁପି, ବ୍ରଜ, କାନପୁର ଏବଂ ବୁନ୍ଦେଲଖଣ୍ଡ କ୍ଷେତ୍ରର ସାଂସଦଙ୍କ ସହ ବୈଠକ କରିବେ । ପ୍ରଧାନମନ୍ତ୍ରୀଙ୍କ ସହ ଜେପି ନଡ୍ଡା ଏବଂ ନୀତିନ ଗଡକରୀ ମଧ୍ୟ ଏହି ବୈଠକରେ ଉପସ୍ଥିତ ରହିବେ । ଏବି ବୈଠକର ଦାୟିତ୍ୱ ସଞ୍ଜୀବ ବାଲିଆନ, ବିଏଲ ବର୍ମାଙ୍କୁ ଦିଆଯାଇଛି ।
୩୧ ଜୁଲାଇରେ ୟୁପି ପରେ ପଶ୍ଚିମବଙ୍ଗ, ଝାଡଖଣ୍ଡ ଏବଂ ଓଡିଶାର ସାଂସଦଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିବେ । ଏହି ବୈଠକରେ ପ୍ରଧାନମନ୍ତ୍ରୀଙ୍କ ସହ ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀ ସାମିଲ ରହିବେ । ଅନ୍ୟମାନଙ୍କ ମଧ୍ୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଶାନ୍ତନୁ ଠାକୁର ଏହାର ନେତୃତ୍ୱ ନେବେ । ମୋଟ ୪୧ ସାଂସଦ ବୈଠକରେ ଉପସ୍ଥିତ ରହିବେ ।