ପ୍ରଧାନମନ୍ତ୍ରୀଙ୍କ ଦ୍ବାରା ଗ୍ରାମ ସ୍ବରାଜ ପୋର୍ଟାଲ୍ ଲଞ୍ଚ: ଇ-ଗ୍ରାମପଞ୍ଚାୟତ ପୋର୍ଟାଲ୍ ସହ ଲଞ୍ଚ୍ ହେଲା ମୋବାଇଲ୍ ଆପ; ସ୍ବାମୀତ୍ବ ଯୋଜନାର ବି ଶୁଭାରମ୍ଭ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
କନକ ବ୍ୟୁରୋ: ପଞ୍ଚାୟତିରାଜ ଦିବସ ଅବସରରେ ଲଂଚ ହେଲା ଇ-ଗ୍ରାମପଂଚାୟତ ପୋର୍ଟାଲ ସହ ମୋବାଇଲ ଆପ । ଗ୍ରାମ ସ୍ୱରାଜ ପୋର୍ଟାଲର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶବ୍ୟାପୀ ଜାରି ରହିଥିବା କରୋନା ସଂକଟ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦେଶର ସମସ୍ତ ଗ୍ରାମ ପଂଚାୟତର ମୁଖ୍ୟ ତଥା ସରପଂଚଙ୍କ ସମ୍ବୋଧିତ କରିବା ସହ ପଞ୍ଚାୟତିରାଜ ଦିବସ ଅବସରରେ ମୋଦି ଏକ ଇ-ଗ୍ରାମ ସ୍ୱରାଜ ପୋର୍ଟଲ ଏବଂ ମୋବାଇଲ ଆପର ଶୁଭାରମ୍ଭ କରିଛନ୍ତି । ତେବେ ଏହି ପୋର୍ଟାଲ ଜରିଆରେ ଗ୍ରାମ ପଂଚାୟତର ସମସ୍ୟା ଏବଂ ସେମାନଙ୍କ ସହ ଜଡିତ ସମସ୍ତ ତଥ୍ୟ ଗୋଟିଏ ଜାଗାରେ ଉପଲବ୍ଧ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ, କରୋନା ସଂକଟରୁ ଆମକୁ ଏକ ଶିକ୍ଷା ମିଳିଛି ଯେ ବର୍ତ୍ତମାନ ଆତ୍ମନିର୍ଭରଶୀଳ ହେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ମୋଦି କହିଛନ୍ତି ଯେ, କରୋନା ମହାମାରୀ ସଭିଙ୍କ କାର୍ଯ୍ୟଶୈଳୀରେ ଅନେକ ପରିବର୍ତ୍ତନ ଆଣିଛି । ବର୍ତ୍ତମାନ ଆମେ ସାମ୍ନାସାମୀ କଥା ହୋଇପାରୁ ନାହୁଁ । ତେବେ ପଞ୍ଚାୟତିରାଜ ଦିବସ ସ୍ୱରାଜକୁ ଗାକୁ ଆଣିବାର ଏକ ସୁଯୋଗ, କରୋନା ସଂକଟ ମଧରେ ଏହା ଆବଶ୍ୟକତା ବଢି ଯାଇଛି ବୋଲି ମୋଦି ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ।