ମୋଦୀଙ୍କୁ ଭେଟିବା ପରେ ଭାବବିହ୍ୱଳ ହେଲେ ମୋଦୀଙ୍କ ବଡ ଭାଇ । କହିଲେ, ଦେଶ ପାଇଁ ବହୁତ ପରିଶ୍ରମ କରୁଛ, ଏବେ ଟିକେ ବିଶ୍ରାମ ନିଅ ।
କନକ ବ୍ୟୁରୋ: ଦେଶର ଉନ୍ନତି ପାଇଁ ବହୁତ ପରିଶ୍ରମ କରୁଛ, ଏବେ ଟିକିଏ ଆରାମ କର । ଭାବବିହ୍ୱଳ ହୋଇ ଏକଥା ନିଜ ସାନଭାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କହିଛନ୍ତି ବଡ଼ଭାଇ ସୋମାଭାଇ ମୋଦୀ। ଗୁଜରାଟ ବିଧାନସଭା ନିର୍ବାଚନ ପାଇଁ ରବିବାର ଗୁଜରାଟରେ ପହଞ୍ଚିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଅହମଦାବାଦରେ ଭୋଟ୍ ଦେଇଥିଲେ। ଏଠାରେ ସେ ତାଙ୍କ ବଡ଼ଭାଇ ସୋମାଭାଇ ମୋଦୀଙ୍କୁ ମଧ୍ୟ ଭେଟିଥିଲେ। ଏତେ ଦିନ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ଭାବବିହ୍ବଳ ହୋଇପଡ଼ିଥିଲେ ସୋମାଭାଇ।
Kanak News is now on WhatsApp
Join and get latest news updates delivered to you via WhatsApp
ଭାବପ୍ରବଣ ହୋଇ ମୋଦୀଙ୍କ ବଡ ଭାଇ ଗଣମାଧ୍ୟମକୁ କହିଥିଲେ ଯେ, ମୁଁ ନରେନ୍ଦ୍ରକୁ ବିଶ୍ରାମ ନେବାକୁ ପରାମର୍ଶ ଦେଇଛି। ମୁଁ ତାଙ୍କୁ କହିଛି ଯେ, ତୁମେ ଦେଶ ପାଇଁ ବହୁତ ପରିଶ୍ରମ କରୁଛ। ଏବେ ଟିକିଏ ବିଶ୍ରାମ ମଧ୍ୟ ନିଅ।’
#WATCH | PM Modi’s brother Somabhai Modi gets emotional as he talks about PM who visited him earlier today
People cannot ignore the kind of work Centre has done after 2014. I asked him (PM Modi) that he works a lot for the country, he should take some rest as well: Somabhai Modi pic.twitter.com/3SrGMj6A6O
— ANI (@ANI) December 5, 2022
ଏହାସହ ସେ କହିଥିଲେ ଯେ, ୨୦୧୪ପରଠାରୁ କେନ୍ଦ୍ର ସରକାର ଯେଉଁଭଳି ଭାବେ ଦେଶ ପାଇଁ କାମ କରିଛନ୍ତି, ଲୋକେ ତାକୁ ଅଣଦେଖା କରି ହେବନାହିଁ। ମୁଁ ଲୋକଙ୍କୁ ଅନୁରୋଧ କରିବି ଯେ, ସେମାନେ ନିଜ ମତଦାନର ଅଧିକାରକୁ ଠିକ ଭାବେ ବ୍ୟବହାର କରନ୍ତୁ । ୨୦୧୪ପରଠାରୁ ଦେଶରେ ହୋଇଥିବା ଉନ୍ନତିକୁ ଆଗକୁ ବଢ଼ାଇବା ପାଇଁ ଯୋଗ୍ୟ ପ୍ରାର୍ଥୀକୁ ଜିତାନ୍ତୁ।