ଗଙ୍ଗା ତଟରେ ହେଲା ପିଏମ୍ ମୋଦି ସିନେମାର ସ୍କ୍ରିନିଂ ! ସ୍କ୍ରିନିଂ ଦେଖିବାକୁ ଜମା ହେଲେ ହଜାର ହଜାର ଲୋକ,ହାତରେ ଚା’ ଧରି ଦର୍ଶକଙ୍କୁ ଚା ବାଣ୍ଟିଲେ ବିବେକ ଓବରଏ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍ ସିନେମା ପିଏମ୍ ନରେନ୍ଦ୍ର ମୋଦି ୨୪ ମଇକୁ ସବୁ ପ୍ରେକ୍ଷାଳୟରେ ରିଲିଜ୍ ହୋଇସାରିଛି । ସିନେମାରେ ବିବେକ୍ ଓବରଏ ପ୍ରଧାନମନ୍ତ୍ରୀ ମୋଦିଙ୍କ ଭୂମିକାରେ ନଜର ଆସିଛନ୍ତି । ସିନେମା ରିଲିଜର ଦୁଇଦିନ ପରେ ବିବେକ୍ ଓବରଏ ଋଷିକେଷ୍ ରେ ଗଙ୍ଗା
Kanak News is now on WhatsApp
Join and get latest news updates delivered to you via WhatsApp
ତଟରେ ନିଜ ଫିଲ୍ମର ସ୍କ୍ରିନିଂ କରିଥିଲେ । ବିବେକ୍ ଓବରଏ ନିଜ ସିନେମାର ସ୍ୱେଶାଲ୍ ସ୍କ୍ରିନିଂର ଫଟୋ ଟ୍ୱିଟରରେ ପୋଷ୍ଟ୍ କରି ଖୁସି ଜାହିର କରିଛନ୍ତି । କ୍ୟାପ୍ସନରେ ବିବେକ ଲେଖିଛନ୍ତି , “ ଏହା ଏକ ଚମତ୍କାର ଅନୁଭବ! ମୁଁ ଗଙ୍ଗା ତଟରେ ଆରତୀ ପରେ ପିଏମ୍ ନରେନ୍ଦ୍ର ମୋଦି ସିନେମା ଦେଖୁଛି । ଏତେ ସବୁ ଭଲପାଇବା ଏବଂ ଆଶିର୍ବାଦ ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଜଣାଉଛି । ହର ହର ଗଙ୍ଗେ ।”
ଫଟୋରେ ଦେଖାଯାଉଛି ଯେ ଗଙ୍ଗାତଟରେ ଏକ ବିଶାଳ ସ୍କ୍ରିନ୍ ଲାଗିଛି ଏବଂ ହଜାର ହଜାର ଲୋକ ବସି ଏହାର ସ୍କ୍ରିନିଂ ଦେଖୁଛନ୍ତି । ଆପଣଙ୍କୁ କହିରଖୁଛୁ ପିଏମ୍ ମୋଦି ବାୟୋପିକ୍ ଏ ପର୍ଯ୍ୟନ୍ତ ୧୧ କୋଟି ୭୬ ଲକ୍ଷ ଟଙ୍କାରୁ ଅଧିକ ଟଙ୍କାର ବ୍ୟବସାୟ କରିଛି । ଏହି ଫିଲ୍ମକୁ ନିର୍ବାଚନ ପୂର୍ବରୁ ରିଲିଜ୍ କରିବାକୁ ନିଷ୍ପତ୍ତି ନିଆ ହୋଇଥିଲେ ମଧ୍ୟ ନିର୍ବାଚନ କମିଶନ୍ ଏହାକୁ ବ୍ୟାନ୍ କରିଥିଲେ । ବଲିଉଡ୍ ଅଭିନେତା ବିବେକ୍ ଓବରଏଙ୍କ ଏହି ଫିଲ୍ମ ଯେତେବେଳେ ମୁମ୍ବାଇର ପିବିଆରରେ ସ୍କ୍ରିନିଙ୍ଗ୍ ହୋଇଥିଲା ସେତେବେଳେ ହାତରେ ଚା’ କ୍ୟାଟିଲ୍ ଏବଂ ମାଟିକପ୍ ଧରି ବିବେକ୍ ନଜର ଆସିଥିଲେ । ସ୍କ୍ରିନିଙ୍ଗ୍ ଦେଖିବାପାଇଁ ଆସୁଥିବା ଦର୍ଶକଙ୍କୁ ସେ ନିଜ ହାତରେ ଚା’ ପିଇବାକୁ ଦେଇଥିଲେ ।