ଗସ୍ତ ପୂର୍ବରୁ ନେପାଳକୁ ନେଇ ପ୍ରଧାନମନ୍ତ୍ରୀଙ୍କ ବୟାନ,ଉଭୟ ପକ୍ଷର ସଂପର୍କକୁ ନେଇ କହିଲେ ଏଭଳି କଥା

କନକ ବ୍ୟୁରୋ : ଆସନ୍ତା କାଲି ଅର୍ଥାତ ମଇ ୧୬ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେପାଳ ଗସ୍ତରେ ଯାଉଛନ୍ତି । ହେଲେ ଗସ୍ତ ପୂର୍ବରୁ ଆଜି ସେ ନେପାଳ ଓ ଭାରତର ସଂପର୍କକୁ ନେଇ ଏକ ବୟାନ ଦେଇଛନ୍ତି । ସେ କହିଛନ୍ତି କି, ଭାରତ  ସହ ନେପାଳର ଅଦ୍ୱିତୀୟ ସଂପର୍କ ରହିଛି । ଏହାସହ ପୂର୍ବ ମାସରେ ନେପାଳ ପ୍ରଧାନମନ୍ତ୍ରୀ ସେର ବାହାଦୁର ଦେଓବା ଭାରତ ଆସିଥିବା ଅବସରରେ ଯାହା ଉପରେ ଚର୍ଚ୍ଚା ହୋଇଥିଲା ସେହି ପ୍ରସଙ୍ଗକୁ ଆଗକୁ ବଢାଇବା ନେଇ ପ୍ରଧାନମନ୍ତ୍ରୀ ସଂକେତ ଦେଇଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି କି ଏହି ଗସ୍ତ ବେଳେ   ଉଭୟ ପକ୍ଷ ମଧ୍ୟରେ ଜଳବିଦ୍ୟୁତ, ବିକାଶ ଓ ଅନ୍ୟାନ୍ୟ କ୍ଷେତ୍ରରେ ସହଯୋଗ ବିସ୍ତାର କରିବା ନେଇ ହୋଇଥିବା ଚୁକ୍ତିକୁ କିଭଳି ଆଗକୁ ବଢାଯାଇ ପାରିବ ତାହା ଉପରେ ବିଶେଷ ଭାବେ ଆଲୋଚନା କରାଯିବ ।

I also look forward to meeting Prime Minister Deuba again after our productive discussions during his visit to India last month. We will continue to build on our shared understanding to expand cooperation in multiple areas, including hydropower, development and connectivity: PMO

— ANI (@ANI) May 15, 2022

ନରେନ୍ଦ୍ର ମୋଦୀ ଆହୁରି କହିଛନ୍ତି କି ଭାରତ ଓ ନେପାଳ ମଧ୍ୟରେ ଥିବା ସଂପର୍କକୁ ଆହୁରି ମଜବୁତ କରିବାକୁ ସେ ଏହି ଗସ୍ତବେଳେ ଚେଷ୍ଟା କରିବେ । କହିରଖୁ କି ଆସନ୍ତା କାଲି ବୁଦ୍ଧ ପୂର୍ଣ୍ଣମୀ ଥିବାରୁ ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭଗବାନ ବୁଦ୍ଧଙ୍କ ଜନ୍ମସ୍ଥଳୀ ଲୁମ୍ବିନରେ ପହଂଚିବେ । ୨୦୧୪ ରେ ପ୍ରଧାନମନ୍ତ୍ରୀ ପଦ ସମ୍ଭାଳିବା ପରେ ନରେନ୍ଦ୍ର ମୋଦୀଙ୍କର ଏହା ପଞ୍ଚମ ନେପାଳ ଗସ୍ତ ।