କରୋନା ନେଇ ଭାଇରାଲ ହେଉଛି ପ୍ରଧାନମନ୍ତ୍ରୀଙ୍କ ଭିଡିଓ: ଦେଶରେ ଆର୍ଥିକ ଜରୁରୀକାଳୀନ ସ୍ଥିତି ଉପୁଜିବା ନେଇ ମୋଦି କରୁଛନ୍ତି ଇସାରା
ମୁକାବିଲା ପାଇଁ ବର୍ତ୍ତର୍ମାନ ତାଲାବନ୍ଦ ନଉଠାଇବାକୁ ଦେଉଛନ୍ତି ମତ
କନକ ବ୍ୟୁରୋ: ଭାଇରାଲ ହେଉଛି କରୋନାକୁ ନେଇ ପ୍ରଧାନମନ୍ତ୍ରୀଙ୍କ ଏକ ଭିଡିଓ । ଏହି ଭିଡିଓରେ ଦେଖିବାକୁ ମିଳିଛି ପ୍ରଧାନମନ୍ତ୍ରୀ ମୋଦି ଦେଶରେ ଏବେ ଆର୍ଥିକ ଜରୁରୀସ୍ଥିତି ପରି ଅବସ୍ଥା ଆସିଥିବା କହୁଥିବା ଦେଖିବାକୁ ମିଳିଛି । ଏଥିପାଇଁ ସମସ୍ତେ ସଜାଗ ହେବା ଆବଶ୍ୟକ । ଏପ୍ରିଲ ୧୪ ତାରିଖ ପରେ ଦେଶରେ ଲକଡାଉନକୁ ହଠାତ୍ ବୃଦ୍ଧି ନକରି ସ୍ଥିତିକୁ ଦେଖି ବିଭିନ୍ନ ରାଜ୍ୟ ପର୍ଯ୍ୟାୟ କ୍ରମେ ଏହାକୁ ଉଠାଇବା ସଠିକ୍ ହେବ । ବିଶେଷଜ୍ଞଙ୍କ ସହିତ କଥା ହେବା ପରେ ମୋଦି ଏପରି ଚିନ୍ତା କରୁଥିବା କହିଛନ୍ତି । କାରଣ କରୋନାକୁ ମୁକାବିଲା କରିବାକୁ ହେଲେ ସାମାଜିକ ଦୂରତା ରକ୍ଷା କରିବା ନିହାତି ଆବଶ୍ୟକ ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଲକଡାଉନ ପ୍ରତ୍ୟାହାର କରିବା ପାଇଁ ମଧ୍ୟ ସ୍ୱତନ୍ତ୍ର ନିୟମ ଆସିବ ଆବଶ୍ୟକ ବୋଲି ମୋଦି ମତ ରଖୁଥିବା ଏହି ଭିଡିଓରେ ଦେଖିବାକୁ ମିଳିଛି । ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂର ଏହି ଭିଡିଓଟି ଏବେ ସୋସିଆଲ୍ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଜାତୀୟ ଗଣମାଧ୍ୟମରେ ମୋଦିଙ୍କ ଏହି ଭିଡିଓକୁ ନେଇ ଚର୍ଚା ଜୋର ଧରିଛି । ଭାରତରେ ଗତ ମାର୍ଚ ୨୫ ତାରିଖରୁ କୋଭିଡ ୧୯ ଭୂତାଣୁ ଚେନ୍ ଭଂଗ କରିବାକୁ ଲାଗୁ ହୋଇଛି ୨୧ ଦିନିଆ ତାଲାବନ୍ଦ ।