୩ଶହ କୋଟିରୁ ଅଧିକ ଟଙ୍କା ଜବତ ମାମଲାରେ ରାଜନୀତି ଜୋରଦାର । ଚର୍ଚ୍ଚାରେ ମୋଦୀଙ୍କ ପୋଷ୍ଟ । କହିଲେ ଲୋକଙ୍କ ପାଖକୁ ଫେରିବ ଟଙ୍କା ।
କନକ ବ୍ୟୁରୋ: ଚାରି ଦିନ ହେଲା ବିଭିନ୍ନ ସ୍ଥାନରେ ଚଢ଼ାଉରେ ଜବତ ହୋଇଛି ୩ଶହରୁ ଅଧିକ ଟଙ୍କା । ପ୍ରଶ୍ନ ଉଠୁଛି, ତା ପଛର ଚେହେରା କିଏ? ଯଦିଓ ମଦ ବ୍ୟବସାୟୀ ତଥା ଝାଡ଼ଖଣ୍ଡର କଂଗ୍ରେସ ସାଂସଦ ଧୀରଜ ସାହୁ ଆୟକର ଫାଙ୍କି ଜମା କରିଥିବା ଏହି ଟଙ୍କା ବୋଲି କୁହାଯାଉଛି । ମଦ ବ୍ୟବସାୟୀଙ୍କ ବିଭିନ୍ନ ଠିକଣାରୁ ଏତେ ଟଙ୍କା ଜବତ ପରେ ରାଜନୀତି ତେଜିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡିଆରେ ପୋଷ୍ଟ କରି ଲେଖିଛନ୍ତି ଲୁଟ୍ ଟଙ୍କାର ଗୋଟିଏ ଗୋଟିଏ ପଇସା ସୁଝିବାକୁ ପଡ଼ିବ । କଂଗ୍ରେସକୁ ଟାର୍ଗେଟକୁ କରି ମୋଦୀ ଲେଖିଛନ୍ତି, ଦେଶବାସୀ ଏହି ଟଙ୍କା ପାହାଡ଼କୁ ଦେଖନ୍ତୁ ଏବଂ ଏମାନଙ୍କ ନେତାଙ୍କ ସଚ୍ଚୋଟତାର ଭାଷଣକୁ ମଧ୍ୟ ଶୁଣନ୍ତୁ । ଜନତାଙ୍କ ଠାରୁ ଯେତେ ଟଙ୍କା ଲୁଟ୍ ହୋଇଛି ତାର ପ୍ରତିଟି ପଇସା ଫେରାଇବାକୁ ହେବ । ଏହା ମୋଦୀଙ୍କ ଗ୍ୟାରେଂଟି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମୋଦୀଙ୍କ ଏହି ପୋଷ୍ଟ ପରେ ବିଜେପି ମଧ୍ୟ ମୋଦୀଙ୍କ ଗ୍ୟାରେିଂଟି କଥା କହି ଲୋକଙ୍କ ଟଙ୍କା ଫେରିବ ବୋଲି କହିଛି । ତେବେ ଜବତ ହୋଇଥିବା ଟଙ୍କା ଲୋକଙ୍କ ପାଖକୁ କେମିତି ଫେରିବ, ତାହା ଏବେ ଚର୍ଚ୍ଚାର ବିଷୟ ହୋଇଛି । କାରଣ ଜବତ ହୋଇଥିବା ଟଙ୍କା ଆଇନ ଅନୁସାରେ ଆୟକର ବିଭାଗ, ଆରବିଆଇ ଭଳି ସଂସ୍ଥା ଅଧୀନରେ ରହିବ । ତେଣୁ ଏହି ଟଙ୍କା ଲୋକ କେମିତି ପାଇବେ ତାକୁ ନେଇ ଭିନ୍ନ ଭିନ୍ନ ଚର୍ଚ୍ଚା ହେଉଛି ।