ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପିର ଦେଶବ୍ୟାପି ସଦସ୍ୟତା ଅଭିଯାନ ଆରମ୍ଭ କରିବା ପାଇଁ ଆଜି ନିଜ ସଂସଦୀୟ କ୍ଷେତ୍ର ବାରାଣାସୀ ଯିବେ । ମୋଦି ଟ୍ୱିଟ୍ କରି କହିଛନ୍ତି ଯେ ଏହି ଅଭିଯାନ ସମାଜର ସବୁ ବର୍ଗର ଲୋକଙ୍କୁ ବିଜେପି ପରିବାର ସହ ଯୋଡିବ । ଯାହା ଆମ ପାର୍ଟିକୁ ଆହୁରି ମଜବୁତ୍ କରିବ । ଆମ ପ୍ରେରଣା ଡା.ଶ୍ୟାମା ପ୍ରସାଦ ମୁଖାର୍ଜୀଙ୍କ ଜୟନ୍ତୀରେ ବିଜେପିର ସଦସ୍ୟତା ଅଭିଯାନରୁ ଆରମ୍ଭ କରିବା । ମୁଁ ଏହି ଅଭିଯାନରେ କାଶୀରେ ସାମିଲ୍ ହେବି । ପ୍ରଧାନମନ୍ତ୍ରୀ ଏଠାରେ ବୃକ୍ଷରୋପଣ ଅଭିଯାନ “ଆନନ୍ଦ କାନନ” ଆରମ୍ଭ କରିବେ ।
Kanak News is now on WhatsApp
Join and get latest news updates delivered to you via WhatsApp
ମୋଦି ଏଠାରେ ବଡ ଲାଲପୁରରେ ଦିନଦୟାଲ୍ ଉପାଧ୍ୟାୟ ବ୍ୟାପାର ସୁବିଧା କେନ୍ଦ୍ରରେ ୫,୦୦୦ ପାର୍ଟି କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବେ , ଯେଉଁଠାରେ ସେ ସଦସ୍ୟତା ଅଭିଯାନ ଆରମ୍ଭ କରିବା ସହ କାର୍ଯ୍ୟକର୍ତ୍ତାଙ୍କୁ ସମ୍ମାନିତ କରିବେ । ଲୋକସଭା ନିର୍ବାଚନ ପରେ ପ୍ରଧାନମନ୍ତ୍ରୀଙ୍କ ନିଜ ନିର୍ବାଚନ କ୍ଷେତ୍ରକୁ ଏହା ଦ୍ୱିତୀୟ ଗସ୍ତ ।