ଓଡିଶା ଗସ୍ତ ପୂର୍ବରୁ ମୋଦିଙ୍କ ଟୁଇଟ୍ । ଓଡିଆ ଭାଷାରେ ଲେଖିଲେ, ‘ଓଡିଶାରେ ଏମିତି କିଛି ବିଶେଷତା ଅଛି, ଯାହା ମୋତେ ବାରମ୍ବାର ଏହି ରାଜ୍ୟକୁ ଟାଣି ଆଣୁଛି’
କନକ ବ୍ୟୁରୋ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶା ଗସ୍ତରେ ଆସିବା ପୂର୍ବରୁ ଟୁଇଟ୍ କରିଛନ୍ତି । ସେ ନିଜର ଟୁଇଟରରେ ଓଡ଼ିଆ ଭାଷାରେ ଲେଖିଛନ୍ତି ‘ଓଡିଶାରେ ଏମିତି କିଛି ବିଶେଷତା ଅଛି, ଯାହା ମୋତେ ବାରମ୍ବାର ଏହି ରାଜ୍ୟକୁ ଟାଣି ଆଣୁଛି । ଆଜି କଳାହାଣ୍ଡି ଜିଲ୍ଲାରେ ଏକ ପ୍ରଚାର ସଭାରେ ଯୋଗଦେଇ ଉଦବୋଧନ ଦେବାର କାର୍ଯ୍ୟକ୍ରମ ଅଛି ।’
Kanak News is now on WhatsApp
Join and get latest news updates delivered to you via WhatsApp
ଓଡିଶାରେ ଏମିତି କିଛି ବିଶେଷତା ଅଛି, ଯାହା ମୋତେ ବାରମ୍ବାର ଏହି ରାଜ୍ୟକୁ ଟାଣି ଆଣୁଛି । ଆଜି କଳାହାଣ୍ଡି ଜିଲ୍ଲାରେ ଏକ ପ୍ରଚାର ସଭାରେ ଯୋଗଦେଇ ଉଦବୋଧନ ଦେବାର କାର୍ଯ୍ୟକ୍ରମ ଅଛି । @BJP4Odisha
— Chowkidar Narendra Modi (@narendramodi) April 2, 2019
ଆଜି ଦିନିକିଆ ଭବାନୀପାଟଣା ଗସ୍ତରେ ଆସୁଛନ୍ତି ନରେନ୍ଦ୍ର ମୋଦି । କ୍ରିଷ୍ଣା ନଗର ପଡ଼ିଆରେ ହେବାକୁ ଥିବା ବିଜେପିର ବିଜୟ ସଂକଳ୍ପ ସମାବେଶରେ ଜନତାଙ୍କ ସମ୍ବୋଧିତ କରିବେ ମୋଦି । ଏହା ପୂର୍ବରୁ ଜୟପୁର ଗସ୍ତରେ ମୋଦି ଉଭୟ ବିଜେଡି ଏବଂ କଂଗ୍ରେସକୁ କଡ଼ା ଭାଷାରେ ସମାଲୋଚନା କରିଥିଲେ । ନବୀନ ସରକାରଙ୍କ ବିରୋଧରେ ଏକାଧିକ ଅଭିଯୋଗ ଆଣିବା ସହ ଓଡ଼ିଶାରେ ପରିବର୍ତନ ପାଇଁ ଜନତାଙ୍କୁ ଆହ୍ୱାନ ଦେଇଥିଲେ ।
ବଡ କଥା ହେଉଛି ଗତ ରବିବାର ଦିନ- ମେଁ ଭି ଚୌକିଦାର କାର୍ଯ୍ୟକ୍ରମରେ ଓଡ଼ିଶା ସଂପର୍କରେ ଏକ ବଡ ବୟାନ ରଖିଥିଲେ ମୋଦି । କହିଥିଲେ- ଓଡ଼ିଶାରେ ଏକ ବଡ ପରିବର୍ତନ ହେବାକୁ ଯାଉଛି, ଯାହା ସମସ୍ତଙ୍କୁ ଚକିତ କରିଦେବ । ଏମିତି କି ତ୍ରିପୁରା ଭଳି ସ୍ଥିତି ଦେଖିବାକୁ ମିଳିବ ବୋଲି ମୋଦି କହିଥିଲେ । ଏହା ପରେ ପରେ ନବୀନ ପଟ୍ଟନାୟକ ମୋଦିଙ୍କ ଏହି ମନ୍ତବ୍ୟ ଉପରେ ପ୍ରତିକ୍ରିୟା ରଖି କହିଥିଲେ- ଓଡ଼ିଶାରେ ବିଜେଡି ଖୁବ୍ ଭଲ ପ୍ରଦର୍ଶନ କରିବ ବୋଲି କହିଥିଲେ । ତେବେ ଦେଖିବାର କଥା ମୋଦି ଭବାନୀପାଟଣା ଗସ୍ତରେ ତ୍ରିପୁରା ଫର୍ମୁଲା ସଂପର୍କରେ କହୁଛନ୍ତି ନା ନାହିଁ? ।