କରୋନା ସ୍ଥିତିକୁ ନେଇ ଆଜି ପ୍ରଧାନମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ : ଅଧିକ ପ୍ରଭାବିତ ରାଜ୍ୟର ମୁଖ୍ୟମନ୍ତ୍ରୀ ଓ ଅକ୍ସିଜେନ ନିର୍ମାତାଙ୍କ ସହ ବି କରିବେ ଆଲୋଚନା
ତିନି ବୈଠକ ପରେ ହୋଇପାରେ ବଡ ନିଷ୍ପତି
କନକ ବ୍ୟୁରୋ : ଦେଶରେ ବଢୁଥିବା କରୋନା ସଂକ୍ରମଣକୁ ନେଇ ଆଜି ଉଚ୍ଚସ୍ତରୀୟ ବୈଠକ କରିବେ ପ୍ରଧାନମନ୍ତ୍ରୀ । ସେଇଥି ପାଇଁ ଆଜି ପଶ୍ଚିମବଙ୍ଗରେ ନିଜର ସମସ୍ତ ପ୍ରଚାର ରାଲି କାର୍ଯ୍ୟକ୍ରମକୁ ବାତିଲ କରିଛନ୍ତି ନରେନ୍ଦ୍ର ମୋଦି । ଟୁଇଟ କରି ଏହି ସୂଚନା ନିଜେ ଦେଇଛନ୍ତି ପ୍ରଧାନମନ୍ତ୍ରୀ । ଆଜି ସକାଳ ୯ଟାରେ କରୋନା ସ୍ଥିତିକୁ ନେଇ ଉଚ୍ଚସ୍ତରୀୟ ସମୀକ୍ଷା ବୈଠକ କରିବେ । ପରେ ଦିନ ୧୦ଟାରେ ଅଧିକ ସଂକ୍ରମିତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବା କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ମଧ୍ୟାହ୍ନ ସାଢେ ୧୨ଟାରେ ଭିଡିଓ କନଫରେନ୍ସି ଜରିଆରେ ଦେଶର ବଡ ବଡ ଅକ୍ସିଜେନ ନିର୍ମାଣକାରୀ କଂପାନୀ ମୁଖ୍ୟଙ୍କ ସହ ବୈଠକ କରିବେ । ଆଜି ପଶ୍ଚିମବଙ୍ଗରେ ପ୍ରଧାନମନ୍ତ୍ରୀଙ୍କ ୪ଟି ପ୍ରଚାର ସଭା କରିବା କାର୍ଯ୍ୟକ୍ରମ ରହିଥିଲା । ମାଲଦା, ମୁର୍ଶିଦାବାଦ, ବୀରଭୁମି ଓ କୋଲକାତା ଦକ୍ଷିଣରେ ପ୍ରଚାର ସମାବେଶକୁ ବାତିଲ କରିଛନ୍ତି ନରେନ୍ଦ୍ର ମୋଦି । ତେବେ ପଶ୍ଚିମବଙ୍ଗ ବିଜେପିର ଅନୁରୋଧକ୍ରମେ ସନ୍ଧ୍ୟା ୫ଟାରେ ଭର୍ଚୁଆଲ ରାଲିରେ ପଶ୍ଚିମବଙ୍ଗର ଜନତାକୁ ସମ୍ବୋଧନ କରିବେ ବୋଲି ଜଣାପଡିଛି ।