ଦେଶରେ କିଭଳି ଅଛି କୋଭିଡ୍ ସ୍ଥିତି ? ୨୧ଟି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କଲେ, ମହାମାରୀ ମୁକାବିଲା ପାଇଁ ଦଶ ମନ୍ତ୍ର ଦେଲେ ମୋଦି..
କନକ ବ୍ୟୁରୋ : ଦେଶର କରୋନା ସ୍ଥିତି ନେଇ ୨୧ଟି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ଭିଡିଓ କନଫରେସିଂ ମାଧ୍ୟମରେ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି, ଦେଶର ଅର୍ଥନୈତିକ ସ୍ଥିତି ସୁଧୁରୁଥିବାର ମିଳୁଛି ସଙ୍କେତ । ବିଗତ ସପ୍ତାହରେ ସରକାରଙ୍କର ଉଦ୍ୟମ ଯୋଗୁଁ ଅର୍ଥନୀତିରେ ସୁଧାର ଆସୁଥିବା କହିଛନ୍ତି ପ୍ରଧାନମନ୍ତ୍ରୀ । ଦେଶରେ କରୋନା ସ୍ଥିତିକୁ ନେଇ ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଂଚଳର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାସହ ଦେଶ ଏହି କରୋନା ଲଢେଇରେ ମିଳିମିଶି କାମ କରୁଥିବା ଯୋଗୁଁ ଏହା ଏକ ଉଦାହରଣ ପାଲଟିବ ବୋଲି କହିଛନ୍ତି ପ୍ରଧାନମନ୍ତ୍ରୀ । ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ରାଜ୍ୟ ମୁଖ୍ୟମନ୍ତ୍ରୀମାନଙ୍କୁ ଦେଇଛନ୍ତି ୧୦ଟି ପରାମର୍ଶ।
Kanak News is now on WhatsApp
Join and get latest news updates delivered to you via WhatsApp
- କୋଭିଡ୍-୧୯ ସଂକ୍ରମଣକୁ ରୋକିବା ଲକ୍ଷ୍ୟରେ କେନ୍ଦ୍ର ସରକାର ଲକ୍ଡାଉନ୍ ୫.୦ ସହ ଲୋକଙ୍କ ଜୀବନ ଜୀବିକାକୁ ସ୍ୱାଭାବିକ କରିବା ପାଇଁ ଅନ୍ଲକ୍ ୧.୦ ମଧ୍ୟ ଘୋଷଣା କରିଛନ୍ତି
- ଏହା ଯେପରି ଦେଶର ପ୍ରତ୍ୟେକ ରାଜ୍ୟରେ ନୀତି ନିୟମର ସହ କଡ଼ାକଡ଼ି ଭାବେ ପାଳିତ ହୁଏ ତାହାକୁ ନିଶ୍ଚିତ କରିବେ ରାଜ୍ୟ ସରକାରମାନେ।
- ପ୍ରବାସୀମାନଙ୍କର ପ୍ରତ୍ୟାବର୍ତ୍ତନରେ ଯେପରି କୌଣସି ବାଧାବିଘ୍ନ ସୃଷ୍ଟି ନହୁଏ ସେଥିପ୍ରତି ମଧ୍ୟ ଧ୍ୟାନଦେବେ।
- ନିଜ ନିଜ ରାଜ୍ୟରେ ନୂତନ ଜୀବିକାର ସୁଯୋଗ ସୃଷ୍ଟି କରିବେ
- କେହି ଯେପରି ବିନା ମାସ୍କରେ ଘରୁ ପଦାକୁ ନବାହାରନ୍ତି ତାହାକୁ ନିଶ୍ଚିତ କରିବେ
- ସାମାଜିକ ଦୂରତ୍ୱ ବା ସୋସିଆଲ ଡିଷ୍ଟାନସିଂ ଯେପରି କଡ଼ାକଡ଼ି ଭାବେ ପାଳିତ ହୁଏ ତାହାକୁ ମଧ୍ୟ ନିଶ୍ଚିତ କରିବେ
- କୋଭିଡ୍- ୧୯ ମୁକାବିଲା ପାଇଁ ଉପଲବ୍ଧ ସମସ୍ତ ସୁବିଧା ସୁଯୋଗର ଲାଭ ଉଠାଇବା ସହ ସଂକ୍ରମଣକୁ ପ୍ରତିହତ କରିବେ
- କୋଭିଡ୍- ୧୯ ଜନିତ ମୃତ୍ୟୁକୁ କମାଇବା ପାଇଁ ସବୁ ସ୍ତରରେ ଉଦ୍ୟମ କରିବେ
- ଭବିଷ୍ୟତର ରଣନୀତି ପ୍ରସ୍ତୁତ କରିବାରେ ସାହାଯ୍ୟ କରିବାରେ ସାହାଯ୍ୟ କରିବେ
- କୋଭିଡ୍- ୧୯ର ସଫଳ ମୁକାବିଲା କରି ସମଗ୍ର ବିଶ୍ୱ ପାଇଁ ଉଦାହାରଣ ସାଜିବେ
PM @narendramodi will interact with state Chief Ministers on the 16th and 17th. pic.twitter.com/RWGeanxgHd
— PMO India (@PMOIndia) June 12, 2020
ଉଲ୍ଲେଖଯୋଗ୍ୟ ଦେଶରେ କୋଭିଡ୍-୧୯ ମହାମାରୀ ଦେଖାଦେବା ପରେ ଏହା ଥିଲା ରାଜ୍ୟ ମୁଖ୍ୟମନ୍ତ୍ରୀମାନଙ୍କସହ ପ୍ରଧାନମନ୍ତ୍ରୀ ମୋଦୀଙ୍କର ଷଷ୍ଠ ଭିଡିଓ କନଫରେନ୍ସିଂ। କରୋନା ମୃତ୍ୟୁ ସଂଖ୍ୟାରେ ସର୍ବନିମ୍ନ ଥିବା ଦେଶ ଗୁଡିକ ମଧ୍ୟରେ ଭାରତ ରହିଛି । ଦୁଇ ଦିନ ଧରି ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ ।