କନକ ବ୍ୟୁରୋ : ସାରା ଦେଶରେ ଅକ୍ସିଜେନର ଉପଲବ୍ଧତା ବଢାଇବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଅଧିକାରୀମାନେ ଦେଶରେ ଅକ୍ସଜେନ ଯୋଗାଣ ଓ ଅକ୍ସିଜେନ ପ୍ଲାଣ୍ଟ ସ୍ଥାପନା ନେଇ ସୂଚନା ଦେଇଛନ୍ତି । ଅଧିକାରୀମାନେ କହିଛନ୍ତି କି ସାରା ଦେଶକୁ ୧୫୦୦ ରୁ ଅଧିକ ପିଏସଏ ଅକ୍ସିଜେନ ପ୍ଲାଣ୍ଟ ଆସୁଛି । ଯାହା ମଧ୍ୟରେ ପିଏମ କେୟାର୍ସ ସହ ବିଭିନ୍ନ ମନ୍ତ୍ରଣାଳୟର ଯୋଗଦାନ ରହିଛି ।
ଅଧିକାରୀମାନେ ପ୍ରଧାନମନ୍ତ୍ରୀଙ୍କୁ କହିଛନ୍ତି କି ପିଏମ କେୟାର୍ସ ଫଣ୍ଡରୁ ଆସୁଥିବା ଅକ୍ସିଜେନ ପ୍ଲାଣ୍ଟସବୁ ରାଜ୍ୟର ସବୁ ଜିଲ୍ଲାରେ ସ୍ଥାପନା କରାଯିବ । ଏହି ସବୁ ପ୍ଲା୍ଣ୍ଟ ଉତ୍ପାଦନ ଆରମ୍ଭ କଲେ ୪ ଲକ୍ଷରୁ ଉର୍ଦ୍ଧ ଅକ୍ସିଜେନ ଯୁକ୍ତ ବେଡ ପାଇଁ ପର୍ଯ୍ୟାପ୍ତ ଆକ୍ସିଜେନ ଯୋଗାଯାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
Over 1500 PSA Oxygen plants are coming up across the nation. PSA Oxygen plants contributed by PM CARES would support more than 4 lakh oxygenated beds. Ensure that the plants are made functional at the earliest: PM Modi at today’s meeting over augmentation & availability of oxygen pic.twitter.com/irMxWeMYGj
— ANI (@ANI) July 9, 2021
ଏହି ବୈଠକରେ ପ୍ରଧାନମନ୍ତ୍ରୀ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି କି ଖୁବଶୀଘ୍ର ଅକ୍ସିଜେନ ପ୍ଲାଣ୍ଟରୁ ଉତ୍ପାଦନ ଆରମ୍ଭ କରାଯାଉ ଓ ସବୁ ରାଜ୍ୟସରକାରଙ୍କ ସହ ମିଶି କାମ କରିବାକୁ ପ୍ରଧାନମନ୍ତ୍ରୀ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
ଏହାସହ ଅକ୍ସିଜେନ ପ୍ଲାଣ୍ଟକୁ ଠିକରେ ସଂଚାଳନ କରିବା ଓ ଦେଖାରଖା କରିବାକୁ ପର୍ଯ୍ୟାପ୍ତ ପରିମାଣର କର୍ମଚାରୀ ନିଯୁକ୍ତ କରିବାକୁ ପ୍ରଧାନମନ୍ତ୍ରୀ କହିଥିବା ବେଳେ ଅଧିକାରୀମାନେ କହିଛନ୍ତି କି ବିଶେଷଜ୍ଞ ମାନଙ୍କ ଦ୍ୱାରା ଏକ ପ୍ରଶିକ୍ଷଣ ମଡେଲ ପ୍ରସ୍ତୁତ କରାଯାଇଛି । ଯିଏ କି ସାରା ଦେଶରେ ୮୦୦୦ ଲୋକଙ୍କୁ ପ୍ରଶିକ୍ଷିତ କରିବାକୁ ଲକ୍ଷ୍ୟ ରଖିଛି ।
ପ୍ରଧାନମନ୍ତ୍ରୀ କହିଛନ୍ତି କି ସ୍ଥାନୀୟ ଓ ରାଷ୍ଟ୍ରୀୟ ସ୍ତରରେ ଅକ୍ସିଜେନ ପ୍ଲାଣ୍ଟ ଗୁଡିକର ପ୍ରଦର୍ଶନ ଓ ରକ୍ଷାବେକ୍ଷଣ କରିବାକୁ ଆଇଓଟି ଭଳି ଅନ୍ୟ ଟେକନିକ୍ ଉପଯୋଗ କରିବା ଦରକାର । ଅକ୍ସିଜେନ ପ୍ଲାଣ୍ଟର ପ୍ରଦର୍ଶନ ଉପରେ ନଜର ରଖିବାକୁ ଆଇଓଟି ସହ ଏକ ପାଇଲଟ ଟିମ ବାବଦରେ ଅଧିକାରୀମାନେ ପ୍ରଧାମନ୍ତ୍ରୀଙ୍କୁ ଅବଗତ କରାଇଛନ୍ତି । ଏହି ବୈଠକରେ ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ, କ୍ୟାବିନେଟ୍ ସଚିବ,ସ୍ୱାସ୍ଥ୍ୟ ସଚିବ ଓ ଅନ୍ୟ ମହତ୍ୱପୂର୍ଣ୍ଣ ଅଧିକାରୀମାନେ ଉପସ୍ଥିତ ଥିଲେ ।