ମେ ୧୬ରେ ପ୍ରଧାନମନ୍ତ୍ରୀଙ୍କ ନେପାଳ ଗସ୍ତ । ବୁଦ୍ଧ ଜୟନ୍ତୀରେ ଲୁମ୍ବିନୀ ଯିବେ ମୋଦି ।
କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେ ୧୬ରେ ନେପାଳ ଗସ୍ତରେ ଯିବେ । ବୁଦ୍ଧ ପୂର୍ଣ୍ଣିମା ଅବସରରେ ସେ ପଡୋଶୀ ଦେଶ ନେପାଳ ଗସ୍ତ କରିବେ । ଏହି ଗସ୍ତ ବେଳେ ସେ ଲୁମ୍ବିନୀ ଯିବାର କାର୍ଯ୍ୟକ୍ରମ ମଧ୍ୟ ରହିଛି । ମୋଦି ତାଙ୍କ ନେପାଳ ପ୍ରତିପକ୍ଷ ଶେର ବାହାଦୂର ଦେଉୱାଙ୍କୁ ସାକ୍ଷାତ କରିବେ । ୨୦୧୪ ପରେ ଏହା ମୋଦିଙ୍କର ପଞ୍ଚମ ନେପାଳ ଗସ୍ତ । ଲୁମ୍ବିନୀର ମାୟାଦେବୀ ମନ୍ଦିରରେ ପୂଜାର୍ଚ୍ଚନା କରିବା ସହ ଇଣ୍ଡିଆ ଇଣ୍ଟର ନ୍ୟାସନାଲ ସେଣ୍ଟର ଫର ବୁଦ୍ଧ କଲ୍ଚର ଆଣ୍ଡ ହ୍ୟାରିଟେଜର ଶିଳାନ୍ୟାସ ଉତ୍ସବରେ ସାମିଲ ହେବେ ।
Kanak News is now on WhatsApp
Join and get latest news updates delivered to you via WhatsApp
PM Narendra Modi will visit Lumbini, Nepal on 16th May, on the occasion of Buddha Purnima at the invitation of PM Sher Bahadur Deuba pic.twitter.com/ZlTwM4geoI
— ANI (@ANI) May 15, 2022
ପ୍ରଧାନମନ୍ତ୍ରୀ ମୋଦି ନେପାଳ ସରକାରଙ୍କ ଦ୍ୱାରା ଆୟୋଜିତ ବୁଦ୍ଧ ଜୟନ୍ତୀ ସମାରୋଦରେ ସାମିଲ ହୋଇ ସମ୍ବୋଧନ କରିବେ । ଗତମାସରେ ଭାରତ ଗସ୍ତରେ ଆସିଥିବା ନେପାଳ ପ୍ରଧାନମନ୍ତ୍ରୀଙ୍କ ଅନୁରୋଧ ରକ୍ଷା କରି ମୋଦି ସେଠାକୁ ଯାଉଛନ୍ତି ।
ନେପାଳ ସହ ଭାରତର ସମ୍ପର୍କ ଦିନକୁ ଦିନ ସୁଦୃଢ ହେବାରେ ଲାଗିଛି । ଏହାକୁ ଆହୁରି ମଜବୁତ କରିବା ପାଇଁ ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ କଥାବର୍ତ୍ତା ଅନୁଷ୍ଠିତ ହେବ । ଏଥିରେ ବିଜୁଳୀ, ବ୍ୟବସାୟ, ନିବେଶ, ସ୍ୱାସ୍ଥ୍ୟ, ଶିକ୍ଷା ସମ୍ପର୍କିତ ଆଲୋଚନା ହେବ ।