ପ୍ରଧାନମନ୍ତ୍ରୀ ମୋଦିଙ୍କ ମା’ ହୀରାବେନ୍ ନେଲେ କୋଭିଡ୍ ଟିକା । ଟୁଇଟ୍ କରି ସୂଚନା ଦେଲେ ନିଜେ ପ୍ରଧାନମନ୍ତ୍ରୀ ।
କନକ ବ୍ୟୁରୋ: ଦେଶରେ ଏବେ କରୋନା ଟିକାକରଣ ଦ୍ରୁତଗତିରେ ଆଗେଇ ଚାଲିଛି । ଏହା ଭିତରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା’ ହୀରାବେନ୍ କରୋନା ଟିକାର ପ୍ରଥମ ଡୋଜ୍ ନେଇଛନ୍ତି । ଏନେଇ ଖୋଦ୍ ପ୍ରଧାନମନ୍ତ୍ରୀ ମୋଦି ଟୁଇଟ୍ କରି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Happy to share that my mother has taken the first dose of the COVID-19 vaccine today. I urge everyone to help and motivate people around you who are eligible to take the vaccine.
— Narendra Modi (@narendramodi) March 11, 2021
ଟୁଇଟ୍ କରି ମୋଦି ଲେଖିଛନ୍ତି – ସେ ଜଣାଇ ଖୁସି ହେଉଛନ୍ତି ଯେ, ତାଙ୍କ ମା’ ଆଜି କୋଭିଡ୍ ଟିିକାର ପ୍ରଥମ ଡୋଜ୍ ନେଇଛନ୍ତି । ତେଣୁ ତାଙ୍କ ଭଳି ସେ ଅନ୍ୟ ଲୋକଙ୍କୁ ମଧ୍ୟ ତୁରନ୍ତ କୋଭିଡ୍ ଟିକା ନେବାକୁ ଆହ୍ୱାନ କରିଛନ୍ତି । ଏହାଦ୍ୱାରା ଅନ୍ୟ ଲୋକମାନେ ମଧ୍ୟ ଭ୍ୟାକ୍ସିନ୍ ନେବାକୁ ଆଗଭର ହେବେ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ, ପ୍ରଧାନମନ୍ତ୍ରୀ ମୋଦିଙ୍କ ମାଙ୍କ ବୟସ ପାଖାପାଖି ୧୦୦ ବର୍ଷ ହେବ । ତଥାପି ସେ ଏବେ ବି ଏକୁଟିଆ ଅହମଦାବାଦରେ ରୁହନ୍ତି । ଦେଶରେ ଦ୍ୱିତୀୟ ପର୍ଯ୍ୟାୟ ଟିକାକରଣ ଭିତ୍ତିରେ ସେ ଆଜି କୋଭିଡ୍ ଟିକା ନେଇଛନ୍ତି । ତାଙ୍କ ପୂର୍ବରୁ ନିଜେ ପ୍ରଧାନମନ୍ତ୍ରୀ ମୋଦି ମଧ୍ୟ କୋଭିଡ୍ ଟିକା ନେଇସାରିଛନ୍ତି ।