ରାଜ୍ୟସଭାରେ ଲତାଜୀଙ୍କ ଭାଇଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ, କଂଗ୍ରେସକୁ ନେଇ କହିଲେ ଏଭଳି କଥା

କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜ୍ୟସଭାରେ ସ୍ୱର୍ଗତଃ ଲତା ମଙ୍ଗେସକରଙ୍କ ଭାଇଙ୍କୁ ମନେ ପକାଇ କଂଗ୍ରେସକୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀ ସ୍ୱାଧୀନ ମତବ୍ୟକ୍ତ ଉପରେ କହିବାକୁ ଯାଇ କହିଛନ୍ତି କି ଗୋଆର ଜଣେ ଯୁବକଙ୍କ କଥା ମନେପଡିଲେ କଂଗ୍ରେସ କିଭଳି ଭାବେ ସ୍ୱାଧୀନ ମତକୁ ଚାପି ରଖିଥିଲେ ତାହା ସ୍ପଷ୍ଟ ଜଣାପଡୁଛି । ସେ କହିଛନ୍ତି କି ଲତାଜୀଙ୍କ ଦେହାନ୍ତକୁ ନେଇ ସାରା ଦେଶରେ ଶୋକରେ ବୁଡିଛି । ହେଲେ ଲତାଜୀଙ୍କ ପରିବାର ଉପରେ କଂଗ୍ରେସ ଯେଭଳି ଭାବେ ଅତ୍ୟାଚାର କରିଥିଲା ତାହା ଦେଶବାସୀ ଜାଣିବା ଦରକାର । ସେ କହିଥିଲେ କି କଂଗ୍ରେସ ସରକାର ସମୟରେ ଲତାଜୀଙ୍କ ସାନଭାଇ ପି, ହୃଦୟନାଥଙ୍କୁ କଂଗ୍ରେସ ଅଲ ଇଣ୍ଡିଆ ରେଡିଓରୁ ବାହାର କରିଦେଇଥିଲା । ସେ ବୀର ସାବରକରଙ୍କ ଉପରେ ଏକ ଦେଶଭକ୍ତି ଗୀତ ପ୍ରସ୍ତୁତ କରୁଥିବା ଅଭିଯୋଗରେ କଂଗ୍ରେସ ତାଙ୍କୁ ଏଭଳି ଦଣ୍ଡ ଦେଇଥିଲା ।
କେବଳ ସେତିକି ନୁହେଁ କଂଗ୍ରେସ ସରକାରର ଅତ୍ୟାଚାର ତାଲିକା ଲମ୍ବା ବୋଲି ପ୍ରଧାନମନ୍ତ୍ରୀ ରାଜ୍ୟସଭାରେ କହିଛନ୍ତି । ସେ କହିଥିଲେ କି କେବଳ ଲତାଜୀଙ୍କ ଭାଇ ନୁହେଁ ପଣ୍ଡିତ ନେହେରୁଙ୍କୁ ସମାଲୋଚନା କରିଥିବାରୁ ମଜରୁହ ସୁଲତାନପୁରୀଙ୍କୁ ୧ ବର୍ଷ ଜେଲ ଯିବାକୁ ପଡିଥିଲା । ଏହାସହ ସମାନ ଘଟଣା ପାଇଁ ବି ପ୍ରଫେସର ଧର୍ମପାଲଙ୍କୁ ଜେଲ ହୋଇଥିବା କଥା ସେ କହିଛନ୍ତି । ପ୍ରଧାନମନ୍ତ୍ରୀ କହିଥିଲେ କି ଏମିତି ଏକ ସମୟ ଥିଲା ଯେତେବେଳେ ଦେଶର କୌଣସି ଲୋକ ନିର୍ଦ୍ଧିଷ୍ଟ ଗୋଟିଏ ପରିବାର ବାବଦରେ ସମାଲୋଚନା କଲେ ସେମାନଙ୍କ ଉପରେ ଅକଥନୀୟ ଅତ୍ୟାଚାର କରାଯାଉଥିଲା