ଉଧମପୁର ଜନସଭାରେ ପ୍ରଧାନମନ୍ତ୍ରୀଙ୍କ ବଡ ଘୋଷଣା । ଖୁବଶିଘ୍ର ରାଜ୍ୟ ମାନ୍ୟତା ପାଇବ ଜମ୍ମୁକାଶ୍ମୀର, କରାଯିବ ବିଧାନସଭା ନିର୍ବାଚନ
କନକ ବ୍ୟୁରୋ : ଖୁବଶୀଘ୍ର ଜମ୍ମୁ କାଶ୍ମୀର ଫେରି ପାଇବ ପୂର୍ଣ୍ଣ ରାଜ୍ୟର ମାନ୍ୟତା, ବିଧାନସଭା ନିର୍ବାଚନରେ ଭାଗନେବେ ଉପତ୍ୟାକାବାସୀ । ଉଧମପୁରରେ ଅନୁଷ୍ଠିତ ନିର୍ବାଚନୀ ସଭାରେ ଏନେଇ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୦୧୯ରେ ଧାରା ୩୭୦ ଉଛେଦ୍ଦ ପରେ ବିରୋଧୀ ଦଳ ଗୁଡିକ ଏଠାରେ ବିଧାନସଭା ନିର୍ବାଚନ କରାଇବା ନେଇ ଦାବି କରୁ ଆସୁଥିବା ବେଳେ ଏହାର ଜବାବ ରଖିଛନ୍ତି ପ୍ରଧାନମନ୍ତ୍ରୀ । ମୋଦି କହିଛନ୍ତି ଯେ ‘କାଶ୍ମୀରରେ ବିଧାନସଭା ନିର୍ବାଚନ ଅନୁଷ୍ଠିତ ହେବାର ସମୟର ଆଉ ବେଶୀ ଦୂର ନୁହେଁ’ । ‘କାଶ୍ମୀରକୁ ପୁଣିଥରେ ପୂର୍ଣ୍ଣ ରାଜ୍ୟର ମାନ୍ୟତା ମିଳିବାକୁ ଯାଉଥିବା ବେଳେ ଭୋଟର ମାନେ ନିଜର ବିଧାୟକ ଓ ମନ୍ତ୍ରୀ ମାନଙ୍କ ସହ ସ୍ୱପ୍ନ ବାଂଟିବାକୁ ସମର୍ଥ’ ହେବେ । ବିକ୍ଷୋଭ, ପଥରମାଡ଼, ଆତଙ୍କବାଦୀଙ୍କ ଭୟ ବିନା ଏଥର ଜମ୍ମୁ କାଶ୍ମୀରରେ ଲୋକସଭା ନିର୍ବାଚନ ଅନୁଷ୍ଠିତ ହେବ । କାଶ୍ମୀରର ବିକାଶ ହିଁ ବିଜେପିର ଏକମାତ୍ର ନିର୍ବାଚନୀ ମୁଦ୍ଦା ବୋଲି ପ୍ରଧାନମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପରିବାର ବାଦ ପ୍ରସଙ୍ଗ ଉଠାଇ କଂଗ୍ରେସ ସମେତ ନ୍ୟାସନାଲ କନଫରେନ୍ସ ଏବଂ ପିଡିପିକୁ ମଧ୍ୟ ଟାର୍ଗେଟ କରିଛନ୍ତି ମୋଦି । ଏହି ୩ଟି ଦଳ କାଶ୍ମୀରକୁ ପୁଣିଥରେ ପୁରୁଣା ଦିନକୁ ଫେରାଇ ନେବାକୁ ସ୍ୱପ୍ନ ଦେଖୁଛନ୍ତି । ଧାରା ୩୭୦ ଉଛେଦ୍ଦ ପରେ କାଶ୍ମୀରରେ ବିକାଶ ଶିଖର ଛୁଇଁଥିବା ବେଳେ ବିରୋଧୀ ବିଚଳିତ ହୋଇ ପଡିଥିବା ମୋଦି କହିଛନ୍ତି । ସେପଟେ ପ୍ରଧାନମନ୍ତ୍ରୀଙ୍କ ପରିବାରବାଦ ପ୍ରସଙ୍ଗକୁ ନେଇ ଜବାବ ରଖିଛନ୍ତି ବିରୋଧୀ ।
ଉଦ୍ଧମପୁରରେ ଜନସଭାକୁ ସମ୍ବୋଧିତ କରିବା ବେଳେ ଦଳୀୟ ସାଂସଦ ପ୍ରାର୍ଥୀଙ୍କୁ ଜିତାଇବା ପାଇଁ ଅପିଲ କରିବା ସହ ୪୦୦ପାର୍ ର ନାରାକୁ ଦୋହରାଇଛନ୍ତି ପିଏମ ମୋଦି । ଦେଶରେ ମଜବୁତ ସରକାର ଥିଲେ ସବୁ ସମସ୍ୟାର ସହଜ ସମାଧାନ ହୋଇପାରିବ କହିଛନ୍ତି ମୋଦି ।