ଦିଲ୍ଲୀରେ ବରିଷ୍ଠ ମନ୍ତ୍ରୀଙ୍କ ପ୍ରଧାନମନ୍ତ୍ରୀଙ୍କ ଘନ ଘନ ବୈଠକ ଜାରି : ମନ୍ତ୍ରୀଙ୍କ କାର୍ଯ୍ୟର ସମୀକ୍ଷା ସହ ମନ୍ତ୍ରୀମଣ୍ଡଳ ଅଦଳବଦଳ ନେଇ ଚର୍ଚ୍ଚା
କନକ ବ୍ୟୁରୋ : ଦିଲ୍ଲୀ ସ୍ଥିତ ପ୍ରଧାନମନ୍ତ୍ରୀଙ୍କ ବାସଭବନରେ ବରିଷ୍ଠ ମନ୍ତ୍ରୀଙ୍କ ବୈଠକ ବସିଛି । ସୋମବାର ସନ୍ଧ୍ୟାରେ ହୋଇଥିବା ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଭୂପୃଷ୍ଣ ପରିବହନ ମନ୍ତ୍ରୀ ନିତିନ ଗଡକରୀ , ବିଜେପି ସଭାପତି ଜେପି ନଡ୍ଡାଙ୍କ ସମେତ ସଦାନନ୍ଦ ଗୌଡା ଓ ଅନ୍ୟ ମନ୍ତ୍ରୀ ଉପସ୍ଥିତ ଥିଲେ । ଗତ କିଛି ଦିନ ହେଲା ପ୍ରଧାନମନ୍ତ୍ରୀ ତାଙ୍କ କ୍ୟାବିନେଟର ମନ୍ତ୍ରୀଙ୍କୁ ଭେଟୁଛନ୍ତି । ବିଭିନ୍ନ ପ୍ରସଙ୍ଗରେ ନରେନ୍ଦ୍ର ମୋଦି ମନ୍ତ୍ରୀଙ୍କ ଫିଡବ୍ୟାକ ନେଉଛନ୍ତି । ଏହାଛଡା ମୋଦିଙ୍କ ବିଭିନ୍ନ ମନ୍ତ୍ରୀଙ୍କ କାର୍ଯ୍ୟର ସମୀକ୍ଷା ସହ ମନ୍ତ୍ରିମଣ୍ଡଳ ଅଦଳବଦଳ ଚର୍ଚ୍ଚା ବି ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱସ୍ତ ସୁତ୍ରରୁ ମିଳିଥିବା ଖବର ଅନୁସାରେ, କିଛି ପ୍ରମୁଖ ମନ୍ତ୍ରଣାଳୟର ଫିଡବ୍ୟାକ ନେବାକୁ ପ୍ରଧାନମନ୍ତ୍ରୀ ବିିଭିନ୍ନ ମନ୍ତ୍ରୀଙ୍କୁ ଭେଟୁଛନ୍ତି । ଏହାଛଡା ଚର୍ଚ୍ଚା ହେଉଛି, କୋଭିଡ ମହାମାରୀକୁ ଦୃଷ୍ଟିରେ ରଖି କିଛି ବଡ ସାମାଜିକ ଯୋଜନାର ଘୋଷଣା କରାଯାଇପାରେ । ଆଗାମୀ ବର୍ଷ ଉତରପ୍ରଦେଶରେ ବିଧାନସଭା ନିର୍ବାଚନ ହେବାକୁ ଥିବାରୁ କିଛି ବଡ ଘୋଷଣା ହୋଇପାରେ ବୋଲି କଳ୍ପନାଜଳ୍ପନା ପ୍ରକାଶ ପାଇଛି ।