ଉଦ୍ୟୋଗପତିଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ଆଶ୍ୱାସନା । କହିଲେ, ପୁଣି ଦୃତଗତିରେ ଆଗେଇବ ଭାରତର ଅଭିବୃଦ୍ଧି ହାର…
କନକ ବ୍ୟୁରୋ: କରୋନା ମୁକାବିଲା ଭିତରେ ଅର୍ଥନୀତିକୁ ମଧ୍ୟ ସୁଦୃଢ କରିବାକୁ ପଡିବ । କରୋନା ମହାମାରୀ ପାଇଁ ଦେଶ ଯେଉଁ ଅର୍ଥନୈତିକ ସଂକଟ ଦେଇ ଗତି କରୁଛି କେନ୍ଦ୍ର ସରକରା ଏଥିପାଇଁ ୨୦ ଲକ୍ଷ କୋଟି ଟଙ୍କାର ପ୍ୟାକେଜ୍ ଘୋଷଣା କରିଛି । ଏଥିସହ ପର୍ଯ୍ୟାୟ କ୍ରମେ ବିଭିନ୍ନ ଯୋଜନାର ଘୋଷଣା ମଧ୍ୟ କରୁଛି କେନ୍ଦ ସରକାର । ଏହାରି ଭିତରେ ଆଜି ଭାରତୀୟ ଉଦ୍ୟୋଗ ସଂଘ ସହ ଆଲୋଚନା କରି ଦେଶ ବିକାଶ ପାଇଁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଉଦ୍ୟୋଗ ସଙ୍ଘ ସହ ଆଲୋଚନାବେଳେ କିଛି ଏପରି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । କରୋନା ସଂକଟ ଭିତରେ ଦେଶରେ ଲାଗୁ ହୋଇଥିବା ଲକ୍ଡାଉନ୍ ପାଇଁ ଭାରତର ଅର୍ଥନୀତି ବିଗିଡି ଯାଇଥିବାବେଳେ, ଏହାକୁ ସୁଧାରିବା ପାଇଁ ପ୍ରଧାନମନ୍ତ୍ରୀ ଆହ୍ୱାନ ଦେଇଛନ୍ତି ।
ମଙ୍ଗଳବାର ସିଆଇଆଇର ବାର୍ଷିକ ସମ୍ମିଳନୀ ଭିଡିଓ କନ୍ଫରେନ୍ସିଂ ଜରିଆରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଦେଶର ବିଭିନ୍ନ ଉଦ୍ୟୋଗୀଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଭାରତୀୟ ସାମଗ୍ରୀକୁ ସାରା ବିଶ୍ୱରେ ପ୍ରସାର କରିବାକୁ ହେବ । ଭାରତରେ ବି ମେଡ୍ ଇନ୍ ଇଣ୍ଡିଆ ସାମଗ୍ରୀର ବିପୁଳ ବ୍ୟବହାର କରିବାକୁ ହେବ । ପ୍ରଧାନମନ୍ତ୍ରୀ ମୋଦି ଆହୁର ମଧ୍ୟ କହିଛନ୍ତି କରୋନା ମହାମାରୀ ପାଇଁ ଆମର ଅର୍ଥନୀତିର ଅଭିବୃଦ୍ଧି ଠପ୍ ହୋଇ ଯାଇଛି । ଆମେ ନିଶ୍ଚିତ ଭାବରେ ଆମ ବିକାଶର ଧାରାକୁ ଫେରି ପାଇବା ବୋଲି ପ୍ରଧାନମନ୍ତ୍ରୀ କହିଛନ୍ତି ।