ଶିବାଜୀ ପାର୍କରେ ଲତାଙ୍କ ମର ଶରୀରରେ ପୁଷ୍ପମାଲ୍ୟ ଅର୍ପଣ କରି ଶେଷ ଦର୍ଶନ କଲେ ପ୍ରଧାନମନ୍ତ୍ରୀ, ଶେଷ ଦର୍ଶନ କରିବାକୁ ଉପସ୍ଥିତ ଅଛନ୍ତି ହଜାର ହଜାର ଲୋକ

କନକ ବ୍ୟୁରୋ : ଲତା ମଙ୍ଗେଶକରଙ୍କ ଅନ୍ତିମ ସଂସ୍କାର ବେଳେ ଶ୍ରଦ୍ଧାଞ୍ଜଳୀ ଦେବାକୁ ଶିବାଜୀ ପାର୍କରେ ପହଂଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ ସେଠାରେ ଲତାଙ୍କ ମରଶରୀରରେ ପୁଷ୍ପମାଲ୍ୟ ଅର୍ପଣ କରିବା ପରେ ଅନ୍ତିମ ସଂସ୍କାର ହେବ ବୋଲି କୁହାଯାଇଛି । ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବାକୁ ବିମାନବନ୍ଦରରେ ପହଂଚିଥିଲେ ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶୟାରୀ ଓ ମହାରାଷ୍ଟ୍ର ସରକାରରେ ମନ୍ତ୍ରୀଥିବା ଆଦିତ୍ୟ ଠାକରେ ।

Prime Minister Narendra Modi reaches Mumbai to attend the funeral ceremony of Bharat Ratna Lata Mangeshkar

(Pics source: Maharashtra Governor Office) pic.twitter.com/QelLRB8Dx1

— ANI (@ANI) February 6, 2022

ଲତା ମଙ୍ଗେଶକରଙ୍କ ଅନ୍ତିମ ସଂସ୍କାର ସ୍ଥଳରେ ଅନ୍ୟମାନଙ୍କ ମଧ୍ୟରେ ପ୍ରସିଦ୍ଧ ଗାୟୀକା ଆଶା ଭୋସଲେ, ମୀନା ମଙ୍ଗେଶକର, ହୃଦୟନାଥ ମଙ୍ଗେସକର ମଧ୍ୟ ଉପସ୍ଥିତ ରହିଛନ୍ତି । ଜୀବନ କାଳରେ ଲତା ଭାରତୀୟ କ୍ରିକେଟର ଜଣେ ପ୍ରଶଂସକ ଭାବେ ପରିଚିତ ଥିଲେ । ଏହି କ୍ରମରେ ତାଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ସଚ୍ଚିନ ତେନ୍ଦୁଲକର ବି ଶିବାଜୀ ପାର୍କରେ ପହଂଚିଛନ୍ତି ।

ଅନ୍ୟପଟେ ସିନେମା ଜଗତର ଅନେକ ବରିଷ୍ଠ ବ୍ୟକ୍ତି ବି ଶେଷ ଦର୍ଶନରେ ଆସିଛନ୍ତି । ବଲିଉଡ କିଙ୍ଗ ଖାନ ଭାବେ ପରିଚିତ ଶାହାରୁଖ ଖାନ, ବିଶିଷ୍ଠ ଗାୟକ ଶଂକର ମହାଦେବନଙ୍କ ଭଳି ବରିଷ୍ଠ ବ୍ୟକ୍ତିମାନେ ଶିବାଜୀ ପାର୍କରେ ପହଂଚି ଲତାଙ୍କ ମରଶରୀରରେ ପୁଷ୍ପମାଲ୍ୟ ଅର୍ପଣ କରିଛନ୍ତି ।