ବାରାଣାସୀରେ ମୋଦୀ, ବରଗଡ଼ରେ ମାଝୀ: ସେଠି କାର୍ଯ୍ୟକ୍ରମ, ଏଠି ରୋଡ୍ ସୋ, ଚାଷୀଙ୍କ ଖାତାକୁ ଗଲା ‘ପିଏମ୍ କିଷାନ ଟଙ୍କା’
କନକ ବ୍ୟୁରୋ: କେନ୍ଦ୍ର ଓ ରାଜ୍ୟ ସରକାରଙ୍କ ପ୍ରାଥମିକତାରେ ଚାଷୀ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାରାଣାସୀରୁ ପିଏମ କିଷାନ ଟଙ୍କା ବଂଟନର ଶୁଭାରମ୍ଭ କରିଛନ୍ତି । ବରଗଡରେ ରାଜ୍ୟ ସରକାର ଏହାକୁ ଉତ୍ସବ ଭାବେ ପାଳନ କରିଛନ୍ତି । ଏଥିପାଇଁ ବରଗଡରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରୋଡ୍ ସୋ କରିଥିଲେ । ବରଗଡ଼ ଗାନ୍ଧୀ ଛକରୁ ଏକ ବିଶାଳ ରୋଡ୍ ସୋ ବାହାରି ବାନ୍ଧୁଟିକ୍ର ପର୍ଯ୍ୟନ୍ତ ଯାଇଛି । ୧୭ତମ କିସ୍ତିରେ ୨୦ ହଜାର କୋଟି ଟଙ୍କା ଡିବିଟି ଜରିଆରେ ଚାଷୀଙ୍କ ଖାତାକୁ ପଠାଯାଇଛି । ୨ ହଜାର ଟଙ୍କା ଲେଖାଏଁ ପ୍ରତ୍ୟେକ ଚାଷୀଙ୍କ ବ୍ୟାଙ୍କ ଆକାଉଂଟକୁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତୃତୀୟ ଥର ପାଇଁ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ଭାବେ ଦେଶର ଦାୟିତ୍ୱ ନେବା ପରେ ଏବଂ ଓଡ଼ିଶାରେ ପ୍ରଥମ ଥର ପାଇଁ ବିଜେପି ସରକାର ଗଢ଼ିବା ପରେ ଚାଷୀଙ୍କ କଥାକୁ ପ୍ରଥମିକତା ଦେଇଛନ୍ତି ସରକାର । ମୋଦୀ, ନିଜ ନିର୍ବାଚନ ମଣ୍ଡଳୀ ବାରଣାସୀରେ ପିଏମ୍ କିଷାନ ଟଙ୍କା ବଣ୍ଟନ ଆରମ୍ଭ କରିଥିବା ବେଳେ ଓଡିଶାର ଭାତହାଣ୍ଡି କୁହାଯାଉଥିବା ବରଗଡ଼ରେ ଏହି କାର୍ଯ୍ୟକ୍ରମକୁ ଉତ୍ସବ ଭାବେ ପାଳନ କରିଛି ।
ପିଏମ କିଷାନ ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରୋଡ୍ ସୋ ଜରିଆରେ ଦିବସଟିକୁ ପାଳନ କରିଛନ୍ତି । ଏହି ଅବସରରେ ବରଗଡ଼ ଗାନ୍ଧୀ ଛକରୁ ଏକ ବିଶାଳ ରୋଡ୍ ସୋ ବାହାରି ବାନ୍ଧୁଟିକ୍ର ପର୍ଯ୍ୟନ୍ତ ଯାଇଛି । ରୋଡ୍ ସୋ ପରେ ସିର୍କିଟ୍ ହାଉସରେ ପିଏମ୍ କିଷାନ ଯୋଜନାର ୧୭ତମ କିସ୍ତ ପ୍ରଦାନ କରାଯାଇଛି । ଆଉ ଶେଷରେ ଜନତାଙ୍କ ସହ ସିଧାସଳଖ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବରଗଡ଼ରେ ମୁଖ୍ୟମନ୍ତ୍ରୀଙ୍କ ସହ ଉପ-ମୁଖ୍ୟମନ୍ତ୍ରୀ କେଭି ସିଂଦେଓ ମଧ୍ୟ ଉପସ୍ଥିତ ଥିଲେ ।
ଏପଟେ ଉତରପ୍ରଦେଶ ବାରାଣସୀରୁ ପ୍ରଧାନମନ୍ତ୍ରୀ ଦେଶର ପ୍ରାୟ ୯କୋଟି ୨୬ ଲକ୍ଷ ଚାଷୀଙ୍କ ଖାତାକୁ ପଠାଇଛନ୍ତି ପିଏମ କିଷାନ ଟଙ୍କା । ୧୭ତମ କିସ୍ତିରେ ୨୦ ହଜାର କୋଟି ଟଙ୍କା ଡିବିଟି ଜରିଆରେ ଚାଷୀଙ୍କ ଖାତାକୁ ପଠାଯାଇଛି । ୨ ହଜାର ଟଙ୍କା ଲେଖାଏଁ ପ୍ରତ୍ୟେକ ଚାଷୀଙ୍କ ବ୍ୟାଙ୍କ ଆକାଉଂଟକୁ ପଠାଯାଇଛି । ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ପ୍ରଥମ ଥର ପାଇଁ ବାରଣାସୀରେ ପହଂଚିଛନ୍ତି ପ୍ରଧାନମନ୍ତ୍ରୀ । ଆଉ ଏହି ଗସ୍ତକୁ ଚାଷୀଙ୍କ ପାଇଁ ଉର୍ତ୍ସଗ କରିିଛନ୍ତି । ଦେଶକୁ ଖାଦ୍ୟ ଯୋଗାଉଥିବା ଚାଷୀକୂଳକୁ ଆର୍ଥିକ ପ୍ରତ୍ସୋହନ ପାଇଁ ୨୦୧୯ ଫେବ୍ରୁଆରୀ ୨୪ ତାରିଖରେ ପିଏମ କିଷାନ ସମ୍ମାନ ନିଧି ଯୋଜନା ଆରମ୍ଭ କରିଥିଲେ ମୋଦୀ ସରକାର ।