୨୫ ସେପ୍ଟେମ୍ବରରୁ ଆରମ୍ଭ ହେବ ମୋଦିଙ୍କ ମାଗଣା ହେଲଥକେୟାର ପ୍ରୋଗ୍ରାମ : ଜାଣନ୍ତୁ ଆପଣଙ୍କୁ ଏଥିରୁ କ’ଣ ମିଳିବ ଫାଇଦା
ପ୍ରଧାନମନ୍ତ୍ରୀ ମୋଦିଙ୍କ ମହତ୍ୱାକାଂକ୍ଷୀ ଯୋଜନା ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାର ଆରମ୍ଭ ୨୫ ସେପ୍ଟେମ୍ବରରୁ ହେବ । ଏହି ଯୋଜନାକୁ ୨୭ଟି ରାଜ୍ୟ ଓ କେନ୍ଦ୍ରଶାସିତ ଅଂଚଳରେ ଆରମ୍ଭ ହେବ । ଦେଶର ୧୫ ହଜାର ସରକାରୀ ଓ ଘରୋଇ ହସପିଟାଲ ଏହି ଯୋଜନାରେ ଭାଗିଦାରୀ ନେବାର ଇଚ୍ଛା ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ୨୩ ସେପ୍ଟେମ୍ବରରେ ଯୋଜନାର ଉଦଘାଟନ୍ କରିବେ, କିନ୍ତୁ ପ୍ରଭାବୀ ଭାବେ ଏହା ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜନ୍ମଦିବସ ୨୫ ସେପ୍ଟେମ୍ବରରୁ ଲାଗୁ ହେବ । କେନ୍ଦ୍ର ସରକାରଙ୍କୁ ଏପ୍ରିିଲ ୨୦୧୯ ପର୍ଯ୍ୟନ୍ତ ପାଖାପାଖି ୩୫୦୦ କୋଟି ଟଙ୍କା ଖର୍ଚ୍ଚ କରିବାକୁ ପଡିପାରେ । ପ୍ରଧାନମନ୍ତ୍ରୀଙ୍କ ଦ୍ୱାରା ଉଦଘାଟନ ହେବା ସହିତ ୨୬-୨୭ ରାଜ୍ୟ ଓ କେନ୍ଦ୍ରଶାସିତ ଅଂଚଳରେ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା କରିବାର ସମ୍ଭାବନା ଅଛି ।
ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାକୁ ଲାଗୁ କରିବାରେ ବସ୍ତୁ ଏବଂ ସେବା କର ଭଳି ସମସ୍ୟା ଆସିବନି । ଏହି ଯୋଜନାର ହିତାଧିକାରୀଙ୍କୁ ତାଙ୍କର ପରିଚୟ ପ୍ରମାଣ ଦେବାକୁ ପଡିବ । ସେଥିପାଇଁ ଆଧାର କାର୍ଡ କିମ୍ବା ପରିଚୟ ପତ୍ର ବା ରାସନ କାର୍ଡ ଦେଖାଇପାରିବେ । ନୀତି ଆୟୋଗର କହିବାନୁସାରେ, ସାମାଜିକ- ଆର୍ଥିକ ଏବଂ ଜାତୀୟ ଜନଗଣନା ୨୦୧୧ରେ ଯାହାଙ୍କୁ ଗରୀବ ଦର୍ଶାଯାଇଛି, ସେ ସମସ୍ତଙ୍କୁ ଏହି ଯୋଜନାର ଲାଭ ମିଳିବ ।
ଯୋଜନାର ଲକ୍ଷ୍ୟ ୧୦ କୋଟି ୭୪ ଲକ୍ଷ ଗରୀବ ପରିବାରଙ୍କୁ ୫ ଲକ୍ଷ ଟଙ୍କା ବାର୍ଷିକ ସ୍ୱାସ୍ଥ୍ୟ ବୀମା ଦିଆଯିବ । ଏହି ଯୋଜନାରେ ଦେଶର ୪୦% ଜନସଂଖ୍ୟା ଆସିିଯିବ । ଦୁନିଆର ଏହି ସବୁଠାରୁ ବଡ ହେଲଥକେୟାର ପ୍ରୋଗ୍ରାମର ୬୦% ଖର୍ଚ୍ଚ କେନ୍ଦ୍ର ସରକାର ଉଠାଇବେ ଯେବେକି ଶେଷ ୪୦% ଯୋଗଦାନ ରାଜ୍ୟଗୁଡିକୁ କରିବାକୁ ହେବ ।