କ୍ୟାନସରରେ ପୀଡିତ ହୋଇ ଜୀବନ ପାଇଁ ଛଟପଟ ହେଉଛି କୁନିପୁଅ ଓମ । ପୁଅକୁ ନୂଆ ଜୀବନ ଦେବାକୁ ଭିକ ମାଗିଲା ମାଆ ।
କନକ ବ୍ୟୁରୋ: କର୍କଟର କଷ୍ଟ ଆଉ କେତେ ସହିବ କୁନିପୁଅ । ଯନ୍ତ୍ରଣା ଜୀବନକୁ ଜାରି ଦେଲାଣି । ଏତେ କମ ବୟସରୁ ଏତେ କଷ୍ଟ ମିଳିବ ବୋଲି କଣ ଜାଣିଥିଲା ଓମ । ସେ ତ ଖେଳୁଥିଲା, ବୁଲୁଥିଲା, ପାଠ ପଢି ଭଲ ମଣିଷ ହେବାକୁ ସ୍ୱପ୍ନ ଦେଖୁଥିଲା । ହେଲେ ବ୍ଲଡ କ୍ୟାନସର ଯେ ହଠାତ କଅଁଳ ଶିଶୁ ଦେହରେ ଚରିଯିବ ତାହା ସେ କଳ୍ପନା ବି କରିନଥିଲା । ଆଉ ଏବେ ରକ୍ତକର୍କଟରେ ପଡି ରୋଗ ବିଛଣାରେ ଶୋଇଛି ୧୩ ବର୍ଷର ଓମ । କେବେ ଭଲ ହେବ ? କେମିତି ଭଲ ହେବ? କିଏ ଭଲ କରିବ ? କିଛି ଜାଣିନି ସେ… ଏପଟେ ପୁଅର ଚିକିତ୍ସା ପାଇଁ ହାତଯୋଡି ଗୁହାରୀ କରିଛି ମାଆ..
Kanak News is now on WhatsApp
Join and get latest news updates delivered to you via WhatsApp
ଅନୁଗୁଳ ବ୍ଲକ ଅକଟାଗ୍ରାମର ଶ୍ରବଣ କୁମାର ଦାସଙ୍କ ବଡ ପୁଅ ଓମ ସପ୍ତମ ଶ୍ରେଣୀରେ ପାଠ ପଢେ । ପାଠ ପ୍ରତି ଅନେକ ଆଗ୍ରହ ଥିଲେ ବି ରୋଗ କିନ୍ତୁ ଓମର ଆଶାରୁ ଉଭାଇ ଦେଇଛି । ୩/୪ ମାସ ତଳେ ହଠାତ ଓମର ଦେହ ଅସୁସ୍ଥ ହୋଇପଡିଲା । ପୁଅର ଅବସ୍ଥା ଦେଖି ବଢିଗଲା ବାପାମାଆଙ୍କ ଚିନ୍ତା । ପ୍ରଥମେ ଅନୁଗୁଳ, ପରେ ଏମସ, କଟକ ତା ପରେ ବୁର୍ଲା ନେବା ପରେ ଓମକୁ ବ୍ଲଡ କ୍ୟାନସର ହୋଇଥିବା ଜଣାପଡିଥିଲା । ଆଉ ଏ ଘଟଣା ଗରିବ ବାପାମାଆଙ୍କ ପାଦତଳୁ ମାଟି ଖସାଇ ଦେଇଥିଲା ।
ପୁଅର ଚିକିତ୍ସା ପାଇଁ ବାପା ୩ ମାସରେ ପାଖାପାଖି ୨ ଲକ୍ଷ ଟଙ୍କା ଧାରକରଜ କରିସାରିଣେି । ସେପଟେ ଅଧିକ ଚିକିତ୍ସା ପାଇଁ ଟାଟା ନେବାକୁ ଚିନ୍ତା କରୁଥିବା ବେଳେ ଶ୍ରବଣଙ୍କୁ ଚାକିରିରୁ ବିଦା କରିଦେଇଛି ମାଲିକ । ଏକ ଲୁଗା ଦୋକାନରେ କାମ କରି ଘର ଚଳାଉଥିବା ଶ୍ରବଣ ପୁଅର ଚିକିତ୍ସା ପାଇଁ ମାଲିକକୁ ଟଙ୍କା ମାଗିବାରୁ ନିର୍ଦ୍ଦୟ ମାଲିକ ନିଷ୍ଠୁରତାର ପରିଚୟ ଦେଇଛି । ନିଜ ହାତରେ ନିଜ ମାନବିକତାକୁ ମାରିଦେଇଛି । ଯଦି ମାଲିକ ଆଜି ଶ୍ରବଣଙ୍କ ଜାଗାରେ ଥାଆନ୍ତେ ଆଉ ତାଙ୍କ ପୁଅର ଚିକିତ୍ସା ପାଇଁ ଟଙ୍କା ମାଗୁଥାନ୍ତେ ତେବେ କଣ ହୋଇଥାନ୍ତା ସେହି ସମୟର ଚିତ୍ର । କର୍ମଚାରୀ ବୋଲି ଅଭାବରେ ପଡି ମାଲିକଙ୍କୁ ଟଙ୍କା ମାଗିବା କଣ ଭୁଲ ? ମାଲିକ ଟଙ୍କା ତ ଦେଲେନି ପ୍ରତିବଦଳରେ ଜୀବିକା ଛଡାଇ ନେଲେ? ଜଣଙ୍କ ବିପଦ ବେଳେ ମାଲିକ ହିସାବରେ କଣ ଠିକ କଲେ? ନିଜକୁ ଥରେ ନୁହେଁ ବାରମ୍ବାର ପ୍ରଶ୍ନ କରନ୍ତୁ ଶ୍ରବଣଙ୍କୁ ଚାକିରିରୁ ବାହାର କରିଥିବା ମାଲିକ ।
ସେପଟେ ଓମଙ୍କ ଚିକିତ୍ସା ପାଇଁ ଅଧିକ ଅର୍ଥର ଆବଶ୍ୟକତା ପଡୁଥିବାରୁ ସାହାଯ୍ୟ ମାଗିଛି ପରିବାର । ତେବେ ଆପଣ ଯଦି ଓମଙ୍କୁ ସହାୟତା କରିବାକୁ ଚାହୁୁଁଛନ୍ତି ତାହାଲେ ତାଙ୍କ ବାପାଙ୍କ ଆକାଉଣ୍ଟ ନମ୍ବରରେ ସହାୟତା କରିପାରିବେ । ଲେଖି ରଖୁନ୍ତୁ ତାଙ୍କ ଆକାଉଣ୍ଟ ନମ୍ବର…
ଆସନ୍ତୁ ନିଜ ସକ୍ଷମ ଅନୁସାରେ ଓମକୁ ସାହାଯ୍ୟ କରିବା ତାକୁ ନୂଆ ଜୀବନ ଦେବା ।