ପ୍ଲିଜ ଦିଲ୍ଲୀ ବଜେଟକୁ ରୋକନ୍ତୁ ନାହିଁ, ଦୟାକରି ବଜେଟକୁ ପାସ୍ କରିବାକୁ ଦିଅନ୍ତୁ । ପ୍ରଧାନମନ୍ତ୍ରୀ ଚିଠି ଲେଖି ଜଣାଇଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦୀଙ୍କୁ ଚିଠି ଲେଖିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଚିଠିରେ କେଜ୍ରିୱାଲ ଲେଖିଛନ୍ତି, ପ୍ଲିଜ୍ ଦିଲ୍ଲୀ ବଜେଟକୁ ରୋକନ୍ତୁ ନାହିଁ । ଆପଣ ଦିଲ୍ଲୀବାସୀଙ୍କ ଉପରେ କାହିଁକି ଏତେ ନାରାଜ? ସ୍ୱାଧୀନତାର ୭ ଦଶନ୍ଧି ପରେ ଏଭଳି କେବେ ଦେଖିବାକୁ ମିଳିନଥିଲା । ପ୍ରଥମଥର ପାଇଁ କୌଣସି ରାଜ୍ୟର ବଜେଟକୁ ରୋକାଯାଉଛି । ଦିଲ୍ଲୀବାସୀ ଆପଣଙ୍କୁ ହାତଯୋଡି ପ୍ରାର୍ଥନା କରୁଛନ୍ତି ଯେ, ଦୟାକରି ବଜେଟକୁ ପାସ୍ କରିବାକୁ ଦିଅନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଗୃହ ମନ୍ତ୍ରାଳୟ ଆପ୍ ସରକାରକୁ ସ୍ପଷ୍ଟୀକରଣ ମାଗିଛି ଯେ ବଜେଟ ପ୍ରସ୍ତାବରେ ବିଜ୍ଞାପନ ବାବଦକୁ ଏତେ ଟଙ୍କା କାହିଁକି ରଖାଯାଇଛି । ଭିତ୍ତିଭୂମି ଓ ବିକାଶ କାର୍ଯ୍ୟ ପାଇଁ କମ ଟଙ୍କା ଆବଣ୍ଟିତ ହୋଇଥିବା ବେଳେ ବିଜ୍ଞାପନ ବାବଦକୁ ଏତେ ଟଙ୍କା କାହିଁକି ଖର୍ଚ୍ଚ କରାଯାଉଛି । ତେବେ ଆପ୍ ସରକାର ପକ୍ଷରୁ କୁହାଯାଇଛି ଯେ, ଗୃହ ମନ୍ତ୍ରାଳୟ ସମ୍ପୂର୍ଣ୍ଣ ଭାବେ ମିଛ କହୁଛି ।
ଦିଲ୍ଲୀର ଅର୍ଥମନ୍ତ୍ରୀ କୈଳାଶ ଗେହଲଟ କହିଛନ୍ତି, ଭାରତ ଇତିହାସରେ ପ୍ରଥମ ଥର ପାଇଁ କେନ୍ଦ୍ରର ଗୃହ ମନ୍ତ୍ରାଳୟ ଦିଲ୍ଲୀ ସରକାରକୁ ବଜେଟ ପାରିତ କରିବାକୁ ରୋକୁଛି । ଏହା ଜାଣିଶୁଣି କରାଯାଉଛି । କେନ୍ଦ୍ର ସରକାର ଗତ ୧୭ ତାରିଖରେ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ବଜେଟକୁ ମଞ୍ଜୁରି ଦେବାକୁ ମନା କରିଥିଲେ । ଦିଲ୍ଲୀର ବଜେଟ ୭୮୮୦୦ କୋଟି ରହିଛି । ଯେଉଁଥିରେ ଭିତ୍ତିଭୂମି ବିକାଶ ପାଇଁ ୨୨୦୦୦ କୋଟି ଖର୍ଚ୍ଚ ହେବ । ସେହିଭଳି ବିଜ୍ଞାପନ ବାବଦକୁ ୫୫୦ କୋଟି ଖର୍ଚ୍ଚ ହେବ । ଗତବର୍ଷ ମଧ୍ୟ ବିଜ୍ଞାପନ ବାବଦକୁ ଏତିକି ଟଙ୍କା ଖର୍ଚ୍ଚ ହୋଇଥିଲା । ତେଣୁ ବଜେଟରେ ବିଜ୍ଞାପନ ବାବଦରେ ଅଧିକ ଟଙ୍କା ବ୍ୟୟବରାଦ କରାଯାଇନାହିଁ ବୋଲି ଆପ୍ ସରକାର ପକ୍ଷରୁ ସ୍ପଷ୍ଟୀକରଣ ରଖାଯାଇଛି ।