ମାଲକାନଗିରି ବଜାରରେ ଚହଳ ସୃଷ୍ଟି କଲା ପ୍ଲାଷ୍ଟିକ ଅଣ୍ଡା ! ଅଣ୍ଡାଖୋଳକୁ ଜଳାଇଲେ ବାହାରୁଛି ଉତ୍କଟ ପ୍ଲାଷ୍ଟିକର ଗନ୍ଧ , ଲୋକେ ଆତଙ୍କିତ ।

761

ପ୍ଲାଷ୍ଟିକ୍ ଚାଉଳ , ପ୍ଲାଷ୍ଟିକ ପତ୍ରକୋବି ଆଉ ପ୍ଲାଷ୍ଟିକ ଅଣ୍ଡା ବଜାରରେ ଚହଳ ସୃଷ୍ଟି କରିଥିବା ବେଳେ ଏବେ ଓଡିଶାର ଉପାନ୍ତ ଜିଲ୍ଲା ମାଲକାନଗିରିରେ ପ୍ଲାଷ୍ଟିକ ଅଣ୍ଡା ମିଳିବା ଘଟଣା ଲୋକଙ୍କ ମୁଣ୍ଡବ୍ୟଥାର କାରଣ ପାଲଟିଛି । ମାଲକାନଗିରି ବଜାରରେ ମିଳିଛି ପ୍ଲାଷ୍ଟିକ୍ ଅଣ୍ଡା । ମିଳିଥିବା ସୂଚନା ଅନୁଯାୟୀ ସ୍ଥାନୀୟ ହାଇଟେକ୍ କଲୋନିର ଦିଗାମ୍ବର ବେହେରା ନାମକ ଜଣେ ବ୍ୟକ୍ତି ଆଜି ସକାଳେ ନିକଟରେ ଥିବା ଏକ ଦୋକାନରୁ ୪ଟି ଅଣ୍ଡା କିଣିଥିଲେ। ସେଥିଭିତରୁ ତିନିଟି ପ୍ଲାଷ୍ଟିକ୍ ଅଣ୍ଡା ଥିବାର ସୂଚନା ରହିଛି।

ଏହି ପ୍ଲାଷ୍ଟିକ୍ ଅଣ୍ଡାର କେଶର ହାତରେ ଧରିଲେ ଝୁଲି ରହୁଥିବା ଦେଖାଯାଉଛି। ଖାଲି ସେତିକି ନୁହେଁ ଏହି ଅଣ୍ଡାଗୁଡ଼ିକର ଆକାର ବି ଟିକେ ଅଲଗା। ପ୍ଲାଷ୍ଟିକ୍ ଅଣ୍ଡାଗୁଡ଼ିକ ଟିକେ ଗୋଲ୍ ଦିଶୁଛି। ନିଆଁରେ ଜାଳିଲେ ମଧ୍ୟ ଅଣ୍ଡାଖୋଳରୁ ପ୍ଲାଷ୍ଟିକ୍ ର ଉତ୍କଟ ଗନ୍ଧ ବାହାରୁଛି । ତେବେ ଓଡିଶାର ଉପାନ୍ତ ଜିଲ୍ଲାରୁ ଏଭଳି କିଛି ଖବର ଆସିବା ପରେ ଜନମାନସରେ ଅସନ୍ତୋଷ ଦେଖାଦେଇଛି ।

Comments are closed.