ଓଡିଶାରେ ସଫଳ ହେଲା ପ୍ଲାଜମା ଥେରାପି । ସୁସ୍ଥ ହେଉଛନ୍ତି ୬ରୁ ୪ଜଣ ଗୁରୁତର ଆକ୍ରାନ୍ତ ରୋଗୀ, ଏପରିକି ଏବେ ଦରକାର ପଡୁନାହିଁ ଅମ୍ଲଜାନ, ୬ଜଣଙ୍କ ମଧ୍ୟରୁ ୪ ସୁସ୍ଥ, ୨ଜଣ ସ୍ଥିର ।
କନକ ବ୍ୟୁରୋ: କନକ ବ୍ୟୁରୋ: ଓଡ଼ିଶାରେ ସଫଳ ହେଉଛି ପ୍ଲାଜ୍ମା ଥେରାପି, ୬ଜଣଙ୍କ ମଧ୍ୟରୁ ୪ ସୁସ୍ଥ, ୨ଜଣ ସ୍ଥିର । ଓଡ଼ିଶାରେ ନୂଆ କରି ଆରମ୍ଭ ହୋଇଥିବା ପ୍ଲାଜମା ଥେରାପି ସୁଫଳ ଦେଖାଇବା ଆରମ୍ଭ କରିଛି । କରୋନାରେ ଗୁରୁତର ଭାବେ ଆକ୍ରାନ୍ତ ହୋଇଥିବା ରୋଗୀ ପାଇଁ ପ୍ରକୃତରେ କୌଣସି ଚିକିତ୍ସା ନାହିଁ । ଆଉ ଏହି ସମୟରେ ପ୍ଲାଜମା ଥେରାପି ହିଁ ଏକମାତ୍ର ବିକଳ୍ପ ବୋଲି ଚିନ୍ତା କରାଯାଉଛି । ଓଡ଼ିଶାରେ ସମ୍ ହସ୍ପିଟାଲରେ ୪ଜଣଙ୍କୁ ଏବଂ ଅଶ୍ୱିନୀ ହସ୍ପିଟାଲାରେ ୨ଜଣଙ୍କୁ ପ୍ଲାଜମା ଥେରାପି ଦିଆଯାଇଛି । ଏବଂ ସେମାନଙ୍କ ମଧ୍ୟରୁ ୪ଜଣ ଖୁବଶୀଘ୍ର ସୁସ୍ଥ ହେଉଛନ୍ତି ଏବଂ ସେମାନଙ୍କୁ ଡ଼ିସଚାର୍ଜ କରାଯିବ । ଅନ୍ୟ ୨ଜଣଙ୍କ ଅବସ୍ଥା ମଧ୍ୟ ସ୍ଥିର ରହିଥିବା ସରକାରଙ୍କ ତରଫରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସମ୍ ହସ୍ପିଟାଲରେ ୪ଜଣଙ୍କୁ ପ୍ଲାଜମା ଥେରାପି ଦେବା ପରେ ସେମାନଙ୍କ ମଧ୍ୟରୁ ୩ଜଣଙ୍କୁ ଆଉ ଅକ୍ସିଜେନ ସହାୟତା ଆବଶ୍ୟକ ପଡୁନାହିଁ । ଅଶ୍ୱିନୀରେ ମଧ୍ୟ ଜଣଙ୍କୁ ଆଉ ବାହାରୁ ଅମ୍ଲଜାନ ସହାୟତା ଦରକାର ପଡ଼ୁନାହିଁ ।
କ’ଣ ଏହି ପ୍ଲାଜମା ଥେରାପୀ
– କରୋନା ଭୂତାଣୁ ସଂକ୍ରମିତ ସୁସ୍ଥ ହେବା ପରେ ସେମାନଙ୍କ ଶରୀରରେ ଆଂଟିବଡି ବା ପ୍ରତିଷେଧକ ବିକଶିତ ହୋଇଥାଏ
– ସୁସ୍ଥ ହୋଇଥିବା କରୋନା ଆକ୍ରାନ୍ତଙ୍କ ରକ୍ତରୁ ଏହି ଆଂଟି ବଡି ବାହାର କରାଯାଇ ଅନ୍ୟ କରୋନା ଆକ୍ରାନ୍ତଙ୍କ ଶରୀରରେ ଛଡାଯାଏ
– କୋଭିଡ୍-୧୯ ସଂକ୍ରମଣରୁ ସୁସ୍ଥ ହୋଇଥିବା ରୋଗୀଙ୍କ ରକ୍ତ ହିଁ ପ୍ଲାଜମା ଥେରାପୀ ପାଇଁ ଉପଯୋଗୀ
– ସଂକ୍ରମିତ ବ୍ୟକ୍ତି ସୁସ୍ଥ ହେବାର ୨ ସପ୍ତାହ ପରେ ହିଁ ନିଜ ରକ୍ତ, ପ୍ଲାଜମା ଥେରାପୀ ପାଇଁ ଦେଇ ପାରିବେ
– ରକ୍ତ ଦେବା ପୂର୍ବରୁ ତାଙ୍କର କୋଭିଡ୍-୧୯ ପରୀକ୍ଷା ଦୁଇଥର ନେଗେଟିଭ ଆସିବା ଜରୁରୀ ହୋଇଥାଏ
ସାରା ବିଶ୍ୱରେ ଗୁରୁତର ଭାବେ କରୋନାରେ ଆକ୍ରାନ୍ତ ରୋଗୀଙ୍କୁ ପ୍ଲାଜମା ଥେରାପି ଚିକିତ୍ସା ଅନେକ ସ୍ଥାନରେ ଫଳପ୍ରଦ ହେଉଛି । ଯେଉଁମାନେ ଏହି ଚିକିତ୍ସା ଦ୍ୱାରା ଲାଭବାନ ହେଉଛନ୍ତି ସେମାନଙ୍କୁ ବିଶ୍ଲେଷଣ କରାଯାଉଛି ।