କନକ ବ୍ୟୁରୋ: ଟାଟା ପାୱାର ଏବଂ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ନର୍ଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ(ଟିପିଏନଓଡିଏଲ) ପକ୍ଷରୁ ବନ ମହୋତ୍ସବ ସପ୍ତାହ ପାଳିତ ହୋଇଛି। ‘ବନ ମହୋତ୍ସବ ସପ୍ତାହ ୨୦୨୪’ ଅବସରରେ ଟିପିଏନଓଡିଏଲର ବିଦ୍ୟୁତ୍ ବିତରଣ କ୍ଷେତ୍ର ଅନ୍ତର୍ଗତ ବିଭିନ୍ନ ଶିକ୍ଷାନୁଷ୍ଠାନଗୁଡ଼ିକରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। “ସଷ୍ଟେନେବଲ୍ ଇଜ ଆଟେନେବଲ” ତତ୍ତ୍ଵକୁ ନିଶ୍ଚିତ କରିବା ତଥା ସୁସ୍ଥ ପରିବେଶ ପ୍ରତି ପ୍ରତିବଦ୍ଧତା ଏବଂ ଦାୟିତ୍ଵବୋଧକୁ ଟିପିଏନଓଡିଏଲର ଏହି ପଦକ୍ଷେପ ଦର୍ଶାଇଥିବାବେଳେ ସବୁଜ ଭବିଷ୍ୟତ ପାଇଁ ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସାହ ଏବଂ ଉତ୍ସର୍ଗୀକୃତ ମନୋଭାବ କରିବା ମଧ୍ୟ ଉଦ୍ଦେଶ୍ୟ ରହିଥିଲା। ଏହି ଅବସରରେ ଶିକ୍ଷାନୁଷ୍ଠାନଗୁଡ଼ିକରେ ଶତାଧିକ ଚାରା ରୋପଣ କରାଯାଇଥିଲା।