ଜିବୀତ ମୂଷା ଦେହରେ ଗଛ ଉଠିଗଲା ! ଆଶ୍ଚର୍ଯ୍ୟ ହେଲେ ବୈଜ୍ଞାନିକ, କିଭଳି ସମ୍ଭବ ହେଲା ?
ଛୋଟବେଳେ ତରଭୁଜର ମଞ୍ଜି ଖାଉ ଖାଉ ଢୋକିଦେଲେ ଡର ଲାଗେ ଯେ, କାଳେ ପେଟରେ ଗଛ ଉଠିଯିବ । ସେହିପରି କୌଣସି ଏକ ଜୀବିତ ଯନ୍ତୁ ଦେହରେ ଗଛ ଉଠିଥିବା କଥା ଆପଣ କେବେ ଶୁଣିନଥିବେ । କିନ୍ତୁ ଏହି ଘଟଣାର ସତ୍ୟତା ଦେଖିବାକୁ ମିଳିଛି ମଧ୍ୟପ୍ରଦେଶର ରତଲାମ ଠାରେ । ସେଠାରେ ଜଣେ ଚାଷୀ ଚାଷ ପାଇଁ ପକାଇଥିବା ମଞ୍ଜି ଦ୍ୱାରା ଏକ ମୂଷାର ଶରୀର ଉପରେ ଗଛ ଉଠିଥିବା କଥା ସାମ୍ନାକୁ ଆସିଛି । କେବଳ ଏତିକି ନୁହେଁ, ମଞ୍ଜିରୁ ଗଛ ଉଠିବା ସହ ଗଛ ବଡ ମଧ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ମଧ୍ୟପ୍ରଦେଶର ରତଲାମ ଠାରେ ଥିବା ନାୟନ ଗ୍ରାମରୁ ଏଭଳି ଘଟଣା ସାମ୍ନାକୁ ଆସିଛି । ଏହି ମୂଷାକୁ ଏବେ ସବୁଆଡେ ଚର୍ଚ୍ଚା ଜୋର ଧରିଛି । ତେବେ ପ୍ରକୃତ ଘଟଣାଟି ହେଉଛି ଦାତାର ସିଂହ ନାମକ ଜଣେ ଚାଷୀ ସୋୟାବିନ ଚାଷ କରିବା ପାଇଁ ନିଜ ଚାଷଜମିରେ ମଞ୍ଜି ବୁଣିଥିଲେ । ଏହା ପରେ ଅଗଷ୍ଟ ୭ ତାରିଖରେ ସେଥିରେ କୀଟନାଶକ ପକାଇବା ପାଇଁ ଚାଷୀଜଣଙ୍କ ଯେତେବେଳେ ବିଲକୁ ଯାଇଥିଲେ ସେତେବେଳେ ଏହି ଦୃଶ୍ୟ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ । ସେ ଏକ ଜୀବିତ ମୂଷାକୁ ଦେଖିଥିଲେ , ଯିଏ ଠିକ୍ ଭାବେ ଚାଲିପାରୁନଥିଲା । ତା ଶରୀରରେ ସୋୟାବିନର ଗଛ ଉଠିଥିବା ଚାଷୀଜଣକ ଦେଖିବାକୁ ପାଇଥିଲେ । ଏହି ଗଛଟି ମୂଷାର ବେକ ମଧ୍ୟ ଦେଇ ମାଟିରେ ଲାଗିଥିଲା । ଦାତାର ସିଂହ ଏହାର ଏକ ଭିଡିଓ ସୋସିଆଲ ମିଡିଆରେ ସେୟାର କରିବା ପରେ ଏହାକୁ ନେଇ ଏବେ ସବୁଆଡେ ଚର୍ଚ୍ଚା ହେଉଛି ।
ଏହା ପରେ ଚାଷୀ ଜଣଙ୍କ ମୂଷା ଦେହରୁ ଗଛକୁ ଅଲଗା କରିଦେଇଛନ୍ତି । ତେବେ ଏଭଳି ଘଟଣାରେ ବୈଜ୍ଞାନିକଙ୍କ ଠାରୁ ଆରମ୍ଭ କରି କୃଷି ବିଶେଷଜ୍ଞଙ୍କ ପର୍ଯ୍ୟନ୍ତ ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି । ତେବେ ବିଶେଷଜ୍ଞଙ୍କ କହିବା ଅନୁଯାୟୀ, ମଞ୍ଜି ପକାଇବା ସମୟରେ ମୂଷାଟି ଆହତ ଥିଲା ଏବଂ ମଞ୍ଜିଟି ତାର କ୍ଷତ ସ୍ଥାନରେ ପଡି ଦବି ଯାଇଥିଲା । ମୂଷାଟି ଘାୟଲ ହୋଇ ମାଟିରେ ଦବି ଯିବା ଫଳରେ ଗଛ ଉଠିଥିବା ସେମାନେ ଅନୁମାନ କରୁଛନ୍ତି । ତେବେ ବୈଜ୍ଞାନିକଙ୍କ କହିବା ଅନୁସାରେ, ବିନା ଖାଦ୍ୟ ପାନୀୟରେ ମଧ୍ୟ ବଞ୍ଚିପାରିବ ।